ഫിലഡൽഫിയ: പ്രമുഖ ചാരിറ്റി സംഘടനയായ കോട്ടയം അസോസിയേഷന്റെ ആഭിമുഖ്യത്തിലും നഴ്സസ് സംഘടനയായ പിയാനോയും ഫിലഡൽഫിയ കോർപറേഷൻ ഫോർ ഏജിംഗും ചേർന്നു നടത്തിയ ഹെൽത്ത് ആൻഡ് ഇൻഫർമേഷൻ ഫെയർ വൻ വിജയമായി തീർന്നു.
കോട്ടയം അസോസിയേഷന്റെ പ്രവർത്തന മേഖലകൾ വേറിട്ട വഴികളിലൂടെ സഞ്ചരിക്കുന്നതിന്റെ ഭാഗമായിട്ടും കൂടിയാണ് ഇതിനു മുൻകൈയടുത്ത് പ്രവർത്തിച്ചതും കൂടാതെ സമൂഹത്തിന്റെ ആവശ്യകത അറിഞ്ഞുള്ള പ്രവർത്തനങ്ങൾക്ക് ഭാവിയിൽ മുൻതൂക്കം കൊടുക്കുന്നതുമായിരിക്കുമെന്നും ബെന്നി കൊട്ടാരത്തിൽ (പ്രസിഡന്റ്, കോട്ടയം അസോസിയേഷൻ) അഭിപ്രായപ്പെട്ടു. തുടർന്ന് പാസ്റ്റർ പി.സി. ചാണ്ടിയുടെ പ്രാർത്ഥനയോടു കൂടി ഇൻഫർമേഷൻ ഫെയറിന് ആരംഭം കുറിക്കുകയും തുടർന്ന് സാറാ ഐപ്പ് (പിയാനോ) വാൻഡാ മിച്ചൽ (പിസിഎ) എന്നിവരും സംസാരിച്ചു.
പിസിഎയുടെ പ്രവർത്തനങ്ങളെക്കുറിച്ചും മെഡികെയ്സ് മെഡികെയർ ലീഗൽ സർവ്വീസ് എന്നിവയെക്കു റിച്ചുള്ള വിജ്ഞാനപ്രദമായ സെമിനാറുകൾ നടത്തുകയും പങ്കെടുത്ത എല്ലാവരുടെയും സംശയനിവാരണങ്ങൾക്കായി ചോദ്യോത്തരവേള സംഘടിപ്പിക്കുകയും ഉണ്ടായി. കിം ലോറൻസ്, സംഗ് യംഗ് സെൻ, അൽ മൊറ എന്നിവരോടൊപ്പം സാംസണ് ബേബി ജോമോൻ ജെയിംസ് ജോജോ ജോയ്സ് ജിപ്പി ജെയിംസ് തുടങ്ങിയവരുടെ നേതൃത്തത്തിൽ മലയാള ഭാഷയിലൂടെ ചോദ്യോത്തരവേളയിൽ സഹായിച്ചതും ഈ പരിപാടിയുടെ പ്രാധാന്യം വർധിപ്പിച്ചു.
അമേരിക്കയിൽ ജോലിയിൽ നിന്നും റിട്ടയർ ചെയ്തവർക്കും റിട്ടയർമെന്റ് പ്രായത്തിലെത്തി നിൽക്കുന്നവർക്കും ഇന്ത്യയിൽ നിന്നും വന്ന് അർഹമായ ആനുകൂല്യങ്ങൾ ലഭിക്കാത്തവർക്കും അമേരിക്കയിൽ നിന്നും സൗജന്യമായി ലഭിക്കുന്ന നിരവധി ആനുകൂല്യങ്ങളെ കുറിച്ചും ധാരാളം അറിവു പകർന്നു നൽകുകയും തുടക്കം മുതൽ സമയബന്ധിതമായ നിയന്ത്രണത്തി ലൂടെ ഈ പ്രോഗ്രാം നടത്തിയതു മൂലം മികച്ച നിലവാരം പുലർത്തുകയുണ്ടായി ഇതു പോലുള്ള ധാരാളം വ്യത്യസ്ത സർക്കാർ ആനുകൂല്യങ്ങൾ ഇതര രാജ്യങ്ങളിൽ നിന്നും കുടിയേറി പാർക്കുന്നവർക്ക് കിട്ടുന്നുണ്ടെന്നും ഇങ്ങനെയുള്ള ആനുകൂല്യങ്ങൾ മിക്കവാറും എല്ലാ സംസ്ഥാനങ്ങളിലും ലഭ്യമായതുകൊണ്ട് ഇതര സംസ്ഥാനങ്ങളിൽ താമസിക്കുന്ന മലയാളികൾ ഇങ്ങനെയുള്ള പദ്ധതികൾക്ക് മുൻകൈ എടുക്കണമെന്നും അറിയുകയുണ്ടായി.
സാബു ജേക്കബ് (കോ-ഓർഡിനേറ്റർ, ഇൻഫർമേഷൻ ഫെയർ) എല്ലാവർക്കും നന്ദി രേഖപ്പെടുത്തുകയും ഫാ: കെ.കെ ജോണ് സമാപന പ്രാർത്ഥനയോടു കൂടി പ്രോഗ്രാം സമാപിച്ചു. ജോബി ജോർജ് ഈ പരിപാടിയുടെ എംഡിയായി പ്രവർത്തിക്കുകയും ജോസഫുമാണ്, ഏബ്രഹാം ജോസഫ്, ജയിംസ് അന്ത്രയോസ്, മാത്യു ഐപ്പ്, കുര്യൻ രാജൻ, ജോണ് വർക്കി, സാജൻ വർഗീസ്, ജോഷി കുര്യാക്കോസ് വർക്കി പൈലോ , ജേക്കബ് തോമസ്, സാബു മാത്യു, സണ്ണി കിഴക്കേ മുറി, സരിൻ കുരുവിള, റോണി വർഗീസ്, രാജു കുരുവിള, ബീനാ കോശി, ലീല ജോസഫ്, കുഞ്ഞുമോൾ രാജൻ, ലിസി ജോർജ്, ജെസി ജെയിംസ്, സുജ സാബു, കുഞ്ഞൂഞ്ഞമ്മ ഏബ്രഹാം, സാറാ ജോണ്, ഷീല ബെന്നി എന്നിവരുടെ നേതൃത്വത്തിലുള്ള കമ്മിറ്റിയുടെ മികവാർന്ന പ്രവർത്തനത്തിലൂടെയാണ് ഇൻഫർമേഷൻ ഫെയർ വൻ വിജയത്തിലെത്തിക്കുവാൻ സാധിച്ചതെന്നും കോട്ടയം അസോസിയേഷൻ അഭിപ്രായപ്പെട്ടു.
റിപ്പോർട്ട്: ജീമോൻ ജോർജ്