ന്യൂജേഴ്സി: എക്യൂമെനിക്കൽ ക്രിസ്ത്യൻ ഫെലോഷിപ്പ് ഓഫ് ന്യുജേഴ്സിയുടെ 17ാമത് ക്രിസ്മസ്, ന്യൂഇയർ ആഘോഷങ്ങൾ ഡിസംബർ 30ന് ശനിയാഴ്ച വെസ്റ്റ് ഓറഞ്ച് ലിബർട്ടി മിഡിൽ സ്കൂളിൽ നടത്തപ്പെടും.
ഉച്ചയ്ക്ക് രണ്ടോടെ ആരംഭിക്കുന്ന പരിപാടികൾ സീറോ മലങ്കര കത്തോലിക്കാ സഭയുടെ അമേരിക്കയുടെയും കാനഡയുടെയും നിയുക്ത ബിഷപ്പ് റവ : ഡോ. ഫിലിപ്പോസ് മാർ സ്തെഫാനോസ് ഉദ്ഘാടനം ചെയ്യുകയും ക്രിസ്മസ് സന്ദേശം നൽകുകയും ചെയ്യും. പ്രസിഡന്റ് റവ: ഫാദർ ജേക്കബ് ക്രിസ്റ്റി അധ്യക്ഷത നിർവഹിക്കും, വിവിധ ഇടവകകളുടെ പ്രതിനിധികൾ സംസാരിക്കും, തുടർന്ന് ക്രിസ്തുദേവന്റെ ജനനത്തെ അനുസ്മരിപ്പിക്കുന്ന വിവിധ പരിപാടികൾ അരങ്ങേറും.
ശേഷം എക്യൂമെനിക്കൽ ക്രിസ്ത്യൻ ഫെലോഷിപ്പ് ഓഫ് ന്യുജേഴ്സിയുടെ ചെയർമാനും ക്വയർ ഡയറക്ടറുമായ റവ : ഡോ. ജേക്കബ് ഡേവിഡ് അച്ചന്റെ നേതൃത്വത്തിൽ വിവിധ ഇടവകകളിൽ നിന്നും അനേകം ഗായകർ പങ്കെടുക്കുന്ന സ്പെഷ്യൽ മ്യൂസിക്കൽ നൈറ്റ് അരങ്ങേറും. ആറിന് ഡിന്നറോടു കൂടി സമാപിക്കുന്ന പരിപാടിയിൽ പ്രവേശനം സൗജന്യമായിരിക്കും.
ചെയർമാൻ റവ. ഡോ. ജേക്കബ് ഡേവിഡ്, പ്രസിഡന്റ് റവ: ഫാ. ജേക്കബ് ക്രിസ്റ്റി, ക്ലർജി വൈസ് പ്രസിഡന്റ് റവ : ഫാ. ആകാശ് പോൾ, ലേ വൈസ് പ്രസിഡന്റ് ജേക്കബ് ജോസഫ്, ജനറൽ സെക്രട്ടറി മാത്യു എബ്രഹാം, ജോയിന്റ് സെക്രട്ടറി ഷൈജ ജോർജ്, ട്രഷറർ ഫ്രാൻസിസ് പള്ളുപ്പേട്ട , ജോയിന്റ് ട്രഷറർ എം സി മത്തായി, പ്രോഗ്രാം കോർഡിനേറ്റർ ജൈജോ പൗലോസ്, ജോയിന്റ് പ്രോഗ്രാം കോർഡിനേറ്റർ മരിയ തോട്ടു കടവിൽ, വിമൻസ് കോർഡിനേറ്റർ സ്മിത പോൾ,ജോയിന്റ് വിമൻസ് കോർഡിനേറ്റർ ഡോക്ടർ സോഫി വിൽസണ്, ക്വയർ ഡയറക്ടർ റവ. ഡോ. ജേക്കബ് ഡേവിഡ്, ക്വയർ കോർഡിനേറ്റർ നീതു ജോണ്സ് ,ക്ലർജി കോർഡിനേറ്റർ റവ: ഫാ. സണ്ണി ജോസഫ്, യൂത്ത് കോർഡിനേറ്റർ സാറാ പോൾ, ഓഡിറ്റർ മേഴ്സി ഡേവിഡ്, മീഡിയ കോർഡിനേറ്റർ ജോസഫ് ഇടിക്കുള എന്നിവരുടെ നേതൃത്വത്തിൽ ക്രിസ്മസ്, ന്യൂഇയർ ആഘോഷങ്ങളുടെ വിജയത്തിന് വേണ്ടി പ്രവർത്തിക്കുന്നു.
റിപ്പോർട്ട്: ജോസഫ് ഇടിക്കുള