ഷിക്കാഗോ: മോർട്ടണ്ഗ്രോവ് സെന്‍റ് മേരീസ് ക്നാനായ ദൈവാലത്തിന്‍റെ പാർക്കിംഗ് ലോട്ട് വികസന പദ്ധതിയുടെ നിർമ്മാണ പ്രവർത്തനത്തിന് വേണ്ടുന്ന എല്ലാ അനുമതികളും ബന്ധപ്പെട്ട മേഖലയിൽ നിന്നും (ComED, village of morton grove, MWRD) ലഭിച്ചിട്ടുണ്ടയെന്ന് പാർക്കിംഗ് ലോട്ട് വികസന പ്രോജക്റ്റിന്റെ ചെയർമാൻ തബി വിരുത്തിക്കുളങ്ങര അറിയിച്ചു.
ആസന്നമായിരിക്കുന്ന ശൈതൃ കാലത്തെ മഞ്ഞു വീഴ്ചക്ക് മുന്പേ തന്നെ നിർമ്മാണം പൂർത്തികരിക്കേണ്ടതിന് സെപ്റ്റംബർ അവസാനവാരത്തോടു കൂടി ഇതിന്‍റെ നിർമ്മാണ പ്രവർത്തനങ്ങൾ തുടങ്ങണമെന്നും ഒരു മാസത്തെ കാലയളവിനുള്ളിൽ നിർമാണം പൂർത്തികരിക്കാൻ സാധിക്കുംമെന്നും അദ്ദേഹം അറിയിച്ചു. ഏകദേശം മൂന്നരലക്ഷം ഡോളറിന്റെ നിർമ്മാണ ചിലവ് പ്രതീക്ഷിക്കുന്ന ഈ വന്പൻ പ്രോജക്റ്റിന്റെ ആദ്യ ദിനത്തിൽ നടത്തിയ ഫണ്ട് ക്ളഷനിൽ തന്നെ ഒന്നേകാൽ ലക്ഷം ഡോളറിന്റെ ഓഫറുകൾ ലഭിക്കുകയുണ്ടായി.
രണ്ടായിരത്തിലധികം വരുന്ന ജനങ്ങൾക്ക് വിശേഷ ദിനങ്ങളിലും അല്ലാതെയും പാർക്കിംഗ് സൗകര്യം ആവശ്യമായി വന്നിരിക്കുന്ന സാഹചര്യത്തിലും അതുപോലെ ഇതര സാമൂഹിക സാംസ്കാരിക മേഖലകളിലെ പ്രസ്ഥാനങ്ങളുടെ പ്രവർത്തനങ്ങൾക്കും ഏറെ പ്രയോജനപ്പെട്ടു കൊണ്ടിരിക്കുന്ന ഈ ദൈവാലയത്തിന് വിശാലമായൊരു പാർക്കിംഗ് സൗകര്യം വളരെ അത്യന്താപേക്ഷിതമാണ്. ആയതിനാൽ ഈ പാർക്കിംഗ് ലോട്ട് വികസനപദ്ധതിയുടെ പൂർണവിജയത്തിന് ഇടവകയിലെ മുഴുവൻ ജനങ്ങളുടെയും സഹായ സഹകരണം ആവശ്യമാണന്ന് ഇടവക വികാരി മോണ്.തോമസ് മുളവനാൽ, അസി.വികാരി ഫാ.ബോബൻ വട്ടീബുറത്ത് എന്നിവർ അഭിപ്രായപ്പെട്ടു.
ടിറ്റോ കണ്ടാരപ്പള്ളി, സിബി കൈത്തക്കത്തൊട്ടിയിൽ, ജോയിച്ചൻ ചെമ്മാച്ചേൽ, ടോണി കിഴക്കേക്കുറ്റ്. സ്റ്റീഫൻ ചൊളളബേൽ , ജെയിംസ് മന്നാകുളത്തിൽ .ബിനോയി പൂത്തറയിൽ, ബിജു കിഴക്കേക്കുറ്റ്, സൈമണ്‍ ചക്കാലപ്പടവിൽ, ജോണ് പാട്ടപ്പൊതി. പീറ്റർ കുളങ്ങര, സാബു തറത്തട്ടേൽ, റോയി നെടുംച്ചിറ, ബൈജു കുന്നേൽ, ഷാജി എടാട്ട് എന്നിവരും ഈ പദ്ധതിയുടെ വിജയ സാക്ഷാൽകാരത്തിനായി വിവിധ മേഖലകളിൽ നേതൃത്വം നൽകുന്നു.