ഡാളസ്: വേൾഡ് മലയാളി കൗണ്സിൽ അമേരിക്ക റീജണിന്റെ പതിനൊന്നാമത് ബയനീയൽ കോണ്ഫറൻസ് സണ്ണി വെയ്ൽ സിറ്റി മേയർ സജി ജോർജ് ഇർവിംഗിലെ ഏട്രിയം ഹോട്ടലിന്റെ പ്രയറി റോസ്ഹാളിൽ അമേരിക്കയുടെ വിവിധ പ്രൊവിൻസുകളിൽ നിന്നും എത്തിയ പ്രതിനിധികളുടെ നിറ സാന്നിധ്യത്തിൽ നിലവിളക്കു കൊളുത്തി ഉദ്ഘാടനം ചെയ്തതോടെ നിറമാർന്ന പരിപാടികളുടെ ഏകദിന സമ്മേളനത്തിന് തുടക്കമായി.
ലോകത്തിലെ തന്നെ ഏറ്റവും വലിയ മലയാളി സമൂഹത്തിന്റെ ബ്രഹൃത്തായ ശൃംഖലയുടെ കണ്ണിയായ ഡാളസിലെ പ്രൊവിൻസ് ഏറ്റെടുത്തു നടത്തുന്ന റീജണിന്റെ കോണ്ഫറൻസ് ഉദ്ഘാടനം ചെയ്യന്നതിൽ അതിയായ സന്തോഷമുണ്ടെന്നു മേയർ പറഞ്ഞു. റീജിയൻ പ്രസിഡന്റ് പി.സി മാത്യു അധ്യക്ഷത വഹിച്ചു. റീജിയൻ സെക്രട്ടറി കുരിയൻ സഖറിയാ, ട്രഷറർ ഫിലിപ്പ് മാരേട്ട്, എലെക്ഷൻ കമ്മിഷണർ ചാക്കോ കോയിക്കലേത്, എൽദോ പീറ്റർ, റീജിയൻ വൈസ് ചെയർമാൻ വർഗീസ് കയ്യാലക്കകം, ത്രേസിയായമ്മ നാടാവള്ളിൽ, ഡോ. രുഗ്മിണി പദ്മകുമാർ , സുധീർ നന്പ്യാർ, റെവ. ഷാജി കെ. ഡാനിയേൽ എന്നി റീജിയൻ നേതാക്കൾ പങ്കെടുത്തു പ്രസംഗിച്ചു.
ഒക്ലഹോമ, ഹൂസ്റ്റണ്, ഡാളസ്, ഷിക്കാഗോ, ന്യൂയോർക്ക്, ന്യൂജേഴ്സി, വാഷിംഗ്ടണ്, ഫിലാഡൽഫിയ മുതലായ പ്രൊവിൻസുകളെ പ്രധിനിധികരിച്ചു എബ്രഹാം ജോണ്, സബ് തലപ്പാല, എസ്. കെ. ചെറിയാൻ, ജെയിംസ് കൂടൽ, ജേക്കബ് കുടശ്ശനാട്, ജോമോൻ, ബാബു ചാക്കോ, തോമസ് അലക്സാണ്ടർ, ഫ്രിക്സ്മോൻ മൈക്കിൾ, തോമസ് ചെല്ലേത്, എബ്രഹാം മാലിക്കറുകയിൽ, ജിമ്മി കുളങ്ങര, ഷിബു സാമുവേൽ, മേരി തോമസ്, സുനിൽ എഡ്വേഡ്, ബിജി എഡ്വേഡ്, ആൻ ബിജു ലൂക്കോസ്, കോശി ഉമ്മൻ, തോമസ് മൊട്ടക്കൽ, തങ്കമണി അരവിന്ദൻ മുതലായവർ എത്തിയത് കോണ്ഫറൻസിനു കൊഴുപ്പേകി.
ഷിക്കാഗോയിൽ നിന്നും എത്തിയ ആൻ ലൂക്കോസ്, ബിജി എഡ്വേർഡ് എന്നിവർ നയിച്ച സിന്പോസിയം, ബോബി കുരിയൻ, ജെയ്സി ജോർജ് എന്നിവരുടെ പങ്കാളിത്തത്തോടെ അതിമനോഹരമാക്കി. യൂത്ത് എംപോവെർമെന്റ് ഒരു ഭാവി പ്രതീക്ഷ എന്ന വിഷയം സദസിന്റെ കൈയടി ഏറ്റുവാങ്ങി. ഫ്രിക്സ്മോൻ മൈക്കിൾ നയിച്ച ബിസിനസ് ഫോറം സെമിനാറിൽ തോമസ് മൊട്ടക്കൽ, ഷിബു സാമുവേൽ, തോമസ് ചിലത്, കോശി ഉമ്മൻ, പി. സി. മാത്യു, എസ്. കെ. ചെറിയാൻ മുതലായവർ പങ്കെടുത്തു.
തുടർന്നു നടന്ന റീജണിന്റെ എക്സിക്യൂട്ടീവ് കൗണ്സിൽ മീറ്റിംഗിൽ 2018-20 കാലയളവിലേക്കുള്ള റീജണ് സാരഥികളെ തെരെഞ്ഞുടുത്തു. ഇലക്ഷൻ കമ്മീഷണർ ചാക്കോ കോയിക്കലേത് തെരഞ്ഞെടുപ്പിന് ചുക്കാൻ പിടിച്ചു. തുടർന്നു ഉച്ചക്ക് ശേഷം സെയിന്റ് ജോർജ് ഓർത്തഡോക്ൾസ് ചർച് ഓഡിറ്റോറിയത്തിൽ അരങ്ങേറിയ കലാപരിപാടികളിൽ നാൻസി വർഗീസ്, റേച്ചൽ അയ്പ്, ആൻഡ്രൂ ജേക്കബ്, ചാർളി വരാനത്തു, കെസിയ ജോണ്സൻ, മനോഹരമായ നൃത്തങ്ങളാലും ഗാനങ്ങളാലും സദസിനെ ആകർഷിച്ചു. റീജണ് പ്രസിഡന്റായി തെരഞ്ഞെടുക്കപ്പെട്ട ജെയിംസ് കൂടൽ, എസ്.കെ. ചെറിയാൻ, ചാക്കോ കോയിക്കലേത്, വര്ഗീസ് കയ്യാലക്കകം, ഫ്രിക്സ്മോൻ മൈക്കിൾ എന്നിവർ പ്രസംഗിച്ചു.
റിപ്പോർട്ട്: ജേക്കബ് കുടശനാട്