ന്യൂയോർക്ക്: ജൂലൈ 5, 6, 7 തീയതികളിൽ ഫിലഡൽഫിയയിൽ നടക്കുന്ന ഫൊക്കാന നാഷണൽ കണ്‍വെൻഷന്‍റെ ഫെസിലിറ്റീസ് ആൻഡ് അക്കോമഡേഷൻ കോ ചെയർ ആയി റോയി ആന്‍റണിയേയും മെഡിക്കൽ ടീമിന്‍റെ ചെയർപേഴ്സണ്‍ ആയി മത്തായി പി. ദാസിനിയും തെരഞ്ഞുടുത്തതായി പ്രസിഡന്‍റ് തന്പി ചാക്കോ, സെക്രട്ടറി ഫിലിപ്പോസ് ഫിലിപ്പ്, ട്രഷർ ഷാജി വർഗീസ് എന്നിവർ അറിയിച്ചു.
റോയി ആന്‍റണി കേരളാ യൂണിവേഴ്സിറ്റിയിൽ ലക്ചർ, കേരള കൗമുദി, ദീപിക എന്നീ പത്രങ്ങളിൽ ജേർണലിസ്റ് ആയി ജോലി നോക്കിയിട്ടുള്ള അദ്ദേഹം ഡാവിതാ മെഡിക്കൽ ഹെൽത്ത് കെയർ കന്പനിയിൽ ജോലി നോക്കുന്നു. ഹഡ്സണ്‍ വാലി മലയാളീ അസോസിയേഷന്റെ മുൻ പ്രസിഡന്‍റ്, സെക്രട്ടറി, ട്രഷറർ, കമ്മിറ്റി മെന്പർ എന്നീ നിലകളിൽ പ്രവർത്തിച്ചു പരിചയമുള്ള മത്തായി പി. ദാസ് സെവൻ ബോറോ എന്ന ചാരിറ്റി സഘടനയുടെ സ്ഥാപകൻ കൂടിയാണ്.
നോർത്ത് അമേരിക്കയുടെ നാനാഭാഗത്തുനിന്നും കേരളത്തിൽ നിന്നും എത്തിച്ചേരുന്ന അതിഥികളേയും, കലാസാംസ്കാരിക പ്രമുഖരേയും രാഷ്ട്രീയ നേതാക്കളേയും സ്വീകരിക്കാൻ ഫിലാഡൽഫിയായിലെ വാലി ഫോർജ് കണ്‍വൻഷൻ സെന്‍റർ ഒരുങ്ങിക്കഴിഞ്ഞു. എല്ലാ അമേരിക്കാൻ മലയാളികളെയും ഫിലഡൽഫിയായിൽ നടക്കുന്ന മലയാളിമാമങ്കത്തിലേക്ക് സ്വാഗതം ചെയ്യുന്നതായി പ്രസിഡന്‍റ് തന്പി ചാക്കോ, സെക്രട്ടറി ഫിലിപ്പോസ് ഫിലിപ്പ്, ട്രഷർ ഷാജി വർഗീസ്, എക്സ്.വൈസ് പ്രസിഡന്‍റ് ജോയി ഇട്ടൻ, കണ്‍വൻഷൻ ചെയർമാൻ മാധവൻ നായർ, ട്രസ്റ്റി ബോർഡ് ചെയർ ജോർജി വർഗീസ്, ഫൗണ്ടേഷൻ ചെയർമാൻ പോൾ കറുകപ്പള്ളിൽ എന്നിവർ അറിയിച്ചു.
റിപ്പോർട്ട്: ശ്രീകുമാർ ഉണ്ണിത്താൻ