വേൾഡ് മലയാളി ഫെഡറേഷന് പുതിയ നേതൃത്വം
Saturday, November 18, 2017 7:28 AM IST
വിയന്ന: ആഗോള മലയാളികളെ ഒരുമയുടെയും സൗഹൃദത്തിന്‍റെയും കാരുണ്യത്തിന്‍റെയും ഒരു കുടകീഴിൽ അണിനിരത്തുക എന്ന ലക്ഷ്യത്തോടെ സ്ഥാപിതമായ വേൾഡ് മലയാളി ഫെഡറേഷന്‍റെ 2017-19 വർഷത്തേയ്ക്കുള്ള പുതിയ ഗ്ലോബൽ ഭാരവാഹികളെ പ്രഖ്യാപിച്ചു.

വിയന്നയിൽ നടന്ന യോഗത്തിൽ സംഘടനയുടെ രക്ഷാധികാരികളിലൊരാളായ പാണക്കാട് സയിദ് മുനവറലി ശിഹാബ് തങ്ങളാണ് സംഘടനയുടെ ഗ്ലോബൽ ക്യാബിനറ്റ് നേതൃത്വത്തെ പ്രഖ്യാപിച്ചത്.

70ൽ അധികം രാജ്യങ്ങളിൽ സംഘടന പ്രൊവിൻസുകളും യൂണിറ്റും സ്ഥാപിച്ചുകഴിഞ്ഞ ഡബ്ല്യുഎംഎഫ് എന്ന സംഘടന സ്ഥാപിതമായി ഒരു വർഷം കഴിയുന്ന അവസരത്തിൽ നവംബർ ആദ്യവാരം വിയന്നയിൽ സംഘടിപ്പിച്ച ആഗോള പ്രവാസി സംഗമത്തത്തിലാണ് പുതിയ ഭാരവാഹികളെ തെരഞ്ഞെടുത്തത്. ലോകത്തിന്‍റെ വിവിധ ഭാഗങ്ങളിൽ നിന്നുള്ള 39 പേരടങ്ങിയ വിപുലമായ ഗ്ലോബൽ എക്സിക്യൂട്ടീവ് കമ്മിറ്റിയാണ് സംഘടനയെ നയിക്കുന്നത്. 9 പേരടങ്ങിയ ഗ്ലോബൽ ക്യാബിനറ്റും 30 പേർ ഉൾപ്പെട്ട എക്സിക്യൂട്ടീവ് കമ്മിറ്റിയും ചേർന്നതാണ് ഡബ്ല്യുഎംഎഫ് ഗ്ലോബൽ എക്സിക്യൂട്ടീവ് കമ്മിറ്റി.

പ്രിൻസ് പള്ളിക്കുന്നേൽ ഗ്ലോബൽ ചെയർമാനായും നൗഷാദ് ആലുവ (സൗദി അറേബ്യ), ടി.കെ. ഗോപാലൻ (ഇന്ത്യ), ആനി ലിബു (അമേരിക്ക) എന്നിവർ ഗ്ലോബൽ വൈസ് ചെയർ പദവിയിലും ഫ്രാൻസിൽ നിന്നുള്ള സുബാഷ് ഡേവിഡ് ഗ്ലോബൽ സെക്രട്ടറിയായും ജോയിന്‍റ് സെക്രട്ടറിമാരായി സ്റ്റാൻലി ജോസ് (സൗദി അറേബ്യ), അരുണ്‍ മോഹൻ (സ്വീഡൻ) എന്നിവരും ഗ്ലോബൽ ട്രഷററായി ഷമീർ യുസഫും (സൗദി അറേബ്യ), ഗ്ലോബൽ കോഓർഡിനേറ്ററായി ഓസ്ട്രിയയിൽ നിന്നുള്ള വർഗീസ് പഞ്ഞിക്കാരനും തെരഞ്ഞെടുക്കപ്പെട്ടു.

റീജണൽ പ്രസിഡന്‍റുമാരായി യൂറോപ്പ് റീജണിനെ പ്രതിനിധീകരിച്ച് ഡോണി ജോർജ് (ജർമനി), മിഡിൽ ഈസ്റ്റ് റീജണ്‍ ഗിരീഷ് ബാബു (ബഹറിൻ), ഏഷ്യ റീജണ്‍ ഷൗക്കത്ത് പറന്പി (ഇന്ത്യ), ഓസ്ട്രേലിയ ആൻഡ് ഓഷ്യാനിയ റീജണ്‍ ഷിബു ജോണ്‍ (ഓസ്ട്രേലിയ), അമേരിക്ക റീജണ്‍ സാജൻ കുര്യൻ (അമേരിക്ക), ആഫ്രിക്ക റീജണ്‍ രാജീവ് പൂനത്ത് (നമീബിയ) എന്നിവരും സാബു ചക്കാലയ്ക്കൽ (ഓസ്ട്രിയ), ഫിറോസ് ബാബു (യുഎഇ), സിറിൽ സഞ്ജു ജോർജ് (ഇന്ത്യ), നിബു മാത്യു (ഓസ്ട്രേലിയ), മാത്യു പൂവൻ (അമേരിക്ക), സോജൻ ജോസഫ് (ടാൻസാനിയ) എന്നിവർ റീജണൽ കോഓർഡിനേറ്റർമാരായും തെരഞ്ഞെടുക്കപ്പെട്ടു.

വിമെൻസ് ഫോറം ചിത്ര ലക്ഷ്മി (യുകെ), ബിസിനസ് ഫോറം ഉമേഷ് മേനോൻ (ഇന്ത്യ), യൂത്ത് ഫോറം അഖിൽ തോമസ് (സ്വിറ്റ്സർലൻഡ്), പ്രോജക്ട് ഫോറം സീന ഷാനവാസ് (ഇന്ത്യ), ചാരിറ്റി ഫോറം നജീബ് എരമംഗലം (സൗദി അറേബ്യ), പബ്ലിക് റിലേഷൻസ് സെബാസ്റ്റ്യൻ ലെനിസ് (യുഎഇ), കൾച്ചറൽ ഫോറം അഡ്വ. ശ്രീജിത്കുമാർ (ഇന്ത്യ), ഇവന്‍റ് ഫോറം അഡ്വ. ഘോഷ് അഞ്ചേരിൽ (ഓസ്ട്രിയ), മീഡിയ ഫോറം സിന്ധു സജീവ് (ഇന്ത്യ), സ്പോർട്സ് ഷീല നെൽസണ്‍ (ഇന്ത്യ), ഐറ്റി ഷമീർ കണ്ടത്തിൽ (ഫിൻലൻഡ്), ടാലന്‍റ് ഫോറം രാജ് കലേഷ് (ഇന്ത്യ), പ്രവാസി വെൽഫെയർ മുഹമ്മദ് കായംകുളം(സൗദി അറേബ്യ), തെരഞ്ഞെടുപ്പ് ആന്‍റണി പുത്തൻപുരയ്ക്കൽ (ഓസ്ട്രിയ) എന്നിവർ വിവിധ ഫോറങ്ങളുടെ കോഓർഡിനേറ്റർമാരായി ചുമതലയേറ്റു. ഹേമ ബിജു (ഇന്ത്യ), ഐ.വി രാജു (ഇന്ത്യ), ഹൃഷികേശ് നന്പൂതിരിപ്പാട് (ഇന്ത്യ), ജോണ്‍ സേവ്യർ (ചെക്ക് റിപ്പബ്ലിക്ക് ) എന്നിവർ ഗ്ലോബൽ എക്സിക്യൂട്ടീവ് കമ്മിറ്റി അംഗങ്ങളായും തെരഞ്ഞെടുക്കപ്പെട്ടു.

ലോക മലയാളികളെ ഒറ്റകെട്ടായി മുന്നോട്ട് നയിക്കാനും പ്രവാസി മലയാളികൾക്കും അതുവഴി ഇന്ത്യക്കും പ്രത്യേകിച്ച് കേരളത്തിൽ മുന്നേറ്റങ്ങളും നേട്ടങ്ങളും ഉണ്ടാക്കിയെടുക്കാൻ പുതിയ കമ്മിറ്റിക്ക് സാധിക്കട്ടെ എന്ന് മുനവറലി ശിഹാബ് തങ്ങൾ ആശംസിച്ചു.

ഒമാനിലെ മിഡിൽ ഈസ്റ്റ് കോളജ് മാനേജിംഗ് ഡയറക്ടർ ലെഫീർ മുഹമ്മദ്, ഡീൻ ഓഫ് സ്റ്റഡീസ് ഡോ. കിരണ്‍ ജി.ആർ എന്നിവരും ചടങ്ങിൽ സംബന്ധിച്ചു. ഓസ്ട്രിയ കോഓർഡിനേറ്റർ ടോമിച്ചൻ പാറുകണ്ണിൽ, സെക്രട്ടറി സാബു ചക്കാലയ്ക്കൽ എന്നിവർ പരിപാടികൾക്കു നേതൃത്വം നൽകി.

റിപ്പോർട്ട്: ജോബി ആന്‍റണി
Copyright @ 2022 , Rashtra Deepika Ltd.