ബംഗളൂരു: കേരളസമാജം ഓണാഘോഷങ്ങളുടെ ഭാഗമായി പൂക്കളമത്സരം സംഘടിപ്പിച്ചു. ഇന്ദിരാനഗർ ഫിഫ്ത് മെയിൻ നയൻത് ക്രോസിലുള്ള കൈരളീനികേതൻ ഓഡിറ്റോറിയത്തിൽ നടന്ന പൂക്കളമത്സരം ചിത്രകാരൻ വി.കെ വിജയൻ ഉദ്ഘാടനം ചെയ്തു. കേരളസമാജം പ്രസിഡൻറ് സി.പി. രാധാകൃഷ്ണൻ അധ്യക്ഷത വഹിച്ചു. കേരളസമാജം വൈസ് പ്രസിഡൻറ് വിക്രമൻ, ജനറൽ സെക്രട്ടറി റജികുമാർ, ജോയിൻറ് സെക്രട്ടറി പി.കെ. മുകുന്ദൻ, അസിസ്റ്റൻറ് സെക്രട്ടറി ജെയ്ജോ ജോസഫ്, കഐൻഇ ട്രസ്റ്റ് പ്രസിഡൻറ് പി. ദിവാകരൻ, രാജഗോപാൽ, രാജശേഖരൻ, എം. ഹനീഫ്, യൂത്ത് വിംഗ് ചെയർമാൻ അനീഷ് കൃഷ്ണൻ, സുധീഷ് പരമേശ്വരൻ, ചിത്രകാരൻ രാംദാസ്, കലാശ്രീ ശിവദാസൻ നായർ, രാധാ രാജഗോപാൽ, ശോഭന ചോലയിൽ, സീന മനോജ് തുടങ്ങിയവർ പങ്കെടുത്തു.
വാശിയേറിയ മത്സരത്തിൽ പ്രിയാ രാജേഷും സംഘവും ഒന്നാംസ്ഥാനവും വിജയകുമാർ ആൻഡ് പാർട്ടി, ടീം കെ3 എന്നീ ടീമുകൾ രണ്ടാം സ്ഥാനവും കലാ പ്രതാപും സംഘവും മൂന്നാം സ്ഥാനവും കരസ്ഥമാക്കി. 10,000 രൂപ, 5,000ര ൂപ, 3000 രൂപ എന്നിവയാണ് സമ്മാനത്തുക. ഒന്നാം സമ്മാന ജേതാവിന് രാജീവ് മെമ്മോറിയൽ റോളിംഗ് ട്രോഫി സമ്മാനിക്കും. സുനിൽ ജേക്കബ്, സന്ധ്യ, പ്രിയ രാജ്കുമാർ, സതീഷ് ചന്ദ്രൻ, അയ്ഷ എന്നിവർ നയിച്ച ടീമുകൾക്ക് പ്രോത്സാഹന സമ്മാനവും ലഭിച്ചു. വിജയികൾക്കുള്ള സമ്മാനദാനം കെആർപുരം സോണിൽ നടക്കുന്ന ഓണാഘോഷത്തിൽ നടക്കും. 35 ടീമുകളാണ് മത്സരത്തിൽ പങ്കെടുത്തത്.