ദ ബേണിംഗ് ബുഷ് യുവജന ധ്യാനം ഡബ്ലിനിൽ ഓഗസ്റ്റ് 25,26 തീയതികളിൽ
Monday, August 21, 2017 8:31 AM IST
ഡബ്ലിൻ: സീറോ മലബാർ സഭയുടെ യുവജന സംഘടന യൂത്ത് ഇഗ്ഗ്നെറ് നു വേണ്ടി ഫാദർ ബിനോജ് മുളവരിക്കൽ ഡബ്ലിനിൽ നടത്തുന്ന 'ദ ബേണിംഗ് ബുഷ് ' യുവജന ധ്യാനത്തിന് ഒരുക്കങ്ങൾ പൂർത്തിയായി. ഡബ്ലിൻ ടാലയിൽ ബോഹ്ഷർണബ്രീനയിൽ സെന്‍റ് ആൻസ് പള്ളിയിൽ ഓഗസ്റ്റ് 25 വെള്ളിയാഴ്ചയും 26 ശനിയാഴ്ചയുമാണ് ധ്യാനം ക്രമീകരിച്ചിരിക്കുന്നത്. ഈ യുവജന ധ്യാനത്തിൽ 13 വയസിനു മുകളിൽ ഉള്ള യുവജനങ്ങൾക്ക് പങ്കെടുക്കാവുന്നതാണ്. 17 വയസിനു താഴെയുള്ള യുവജനങ്ങൾ മാതാ പിതാക്കളുടെ സമ്മതത്തോടെ വേണം പങ്കെടുക്കുന്നത്.

രണ്ടു ദിവസവും ധ്യാനം രാവിലെ 9.30 നു ആരംഭിച്ചു വൈകിട്ട് 5നു അവസാനിക്കുന്നതാണ്. ധ്യാനത്തിൽ പങ്കെടുക്കുന്നതിനായി ഇനിയും പേര് രജിസ്റ്റർ ചെയ്തിട്ടില്ലാത്തവർക്കു wwws.yromalabar.ie എന്ന വെബ്സൈറ്റിൽ വ്യാഴാഴ്ച വരെ പേര് രജിസ്റ്റർ ചെയ്യാവുന്നതാണ്. വ്യാഴാചയ്ക്കു ശേഷം ധ്യാനം നടക്കുന്ന പള്ളിയിൽ രജിസ്ട്രേഷൻ പരിമിതമായേ അനുവദിക്കുകയുള്ളൂ.

ഫാ. ബിനോജ് മുളവരിക്കേൽ സീറോ മലബാർ സഭയുടെ യൂറോപ്പിലെ യൂത്ത് കോഓർഡിനേറ്ററായി ഇറ്റലിയിൽ സേവനം അനുഷ്ഠിക്കുന്ന വിശിഷ്ട വ്യക്തിത്വമാണ്. അദ്ദേഹത്തിന്‍റേതായി അനേകം ക്രിസ്തീയ ഭക്തിഗാന ആൽബങ്ങൾ ഇന്ന് പ്രചാരത്തിലുണ്ട്.

ഒരു സംഗീതാത്മക ധ്യാനത്തിൽ പങ്കെടുത്തു വ്യക്തിത്വ വികാസവും ആത്മീയ പരിപോഷണവും നേടുവാൻ എല്ലാ യുവജനങ്ങളെയും ഹാർദ്ദവമായി സ്വാഗതം ചെയ്യുന്നു എന്ന് സീറോ മലബാർ ചാപ്ലൈൻസ് ഫാ. ജോസ് ഭരണികുളങ്ങരയും ഫാ. ആന്‍റണി ചീരംവേലിലും അറിയിച്ചു.

റിപ്പോർട്ട്: ജെയ്സണ്‍ ജോസഫ്
Copyright @ 2022 , Rashtra Deepika Ltd.