ന്യൂകാസിൽ മലയാളികളെ സംഗീതത്തിന്‍റെ മാസ്മരിക ലോകത്തെത്തിക്കാൻ 'സമ്മർ റെയിൻ '
Wednesday, June 21, 2017 7:04 AM IST
ന്യൂകാസിൽ: യുകെയുടെ വിവിധ ഭാഗങ്ങളിൽ കഴിഞ്ഞ ഒരുമാസമായി ഇടതടവില്ലാതെ സംഗീത പരിപാടി അവതരിപ്പിച്ചു മലയാളികളെ വിസ്മയിപ്പിച്ചു കൊണ്ടിരിക്കുന്ന പുതുതലമുറയിൽ ഏറെ ശ്രദ്ധേയനായ പിന്നണി ഗായകൻ വിൽസ്വരാജ് ഈ ഞായറാഴ്ച ന്യൂകാസിലിൽ എത്തുന്നു, മാൻ അസോസിയേഷൻ സംഘടിപ്പിക്കുന്ന സമ്മർ റെയിൻ എന്ന സാംസ്കാരിക സന്ധ്യയിൽ മൂന്നു മണിക്കൂറോളം നീണ്ട സംഗീത നിഷയാണ് സംഘാടകർ ട്രോക്കലി യൂണിയൻ ജാക് ഹാളിൽ ഒരുക്കിയിരിക്കുന്നത് .

ഇക്കഴിഞ്ഞ ദിവസങ്ങളിൽ യുകെയുടെ വിവിധ ഭാഗങ്ങളിൽ നടത്തിയ വിൽസ്വരാജ് ഷോ പലതും ശ്രോതാക്കളുടെ ആവശ്യപ്രകാരം വളരെ വൈകിയാണ് അവസാനിച്ചത്. തങ്ങളുടെ യൗവ്വനകാലത്തും , ബാല്യകാലത്തും തീയറ്ററുകളിലേക്കു ആകർഹിച്ചിരുന്ന ആദ്യ കാല സിനിമ താരം ശങ്കറാണ് മുഖ്യാതിഥിയായി എത്തുന്നത്. ശങ്കറുമായി പരിപാടിയിൽ പങ്കെടുക്കുന്ന ആളുകൾക്ക് പ്രത്യേക ചോദ്യ ഉത്തര പരിപാടിയും സംഘടിപ്പിച്ചിട്ടുണ്ട് . സാംസ്കാരിക സന്ധ്യക്ക് ആശംസകൾ അർപ്പിച്ചുകൊണ്ട് ന്യൂ കാസിൽ സീറോ മലബാർ വികാരി ഫാ. സജി തോട്ടത്തിൽ . യുക്മ ദേശീയ പ്രസിഡന്‍റ് മാമൻ ഫിലിപ്പ് ,സെക്രെട്ടറി റോജിമോൻ വർഗീസ്, ട്രഷറർ അലക്സ് വർഗീസ് തുടങ്ങിയവരും സന്നിഹിതരാകും . പരിപാടിയിൽ പങ്കെടുക്കുന്ന എല്ലാവർക്കും ഭക്ഷണവും ക്രമീകരിച്ചിട്ടുണ്ട്. പരിപാടിയുടെ ഒരുക്കങ്ങൾ പൂർത്തിയായതായി ഭാരവാഹികൾ അറിയിച്ചു . കൂടുതൽ വിവരങ്ങൾക്ക് വർഗീസ് തെനംകാല , ഷെല്ലി ഫിലിപ്പ് എന്നിവരുമായി ബന്ധപ്പെടുക .07429982338, 07940359673.

റിപ്പോർട്ട്: ഷൈമോൻ തോട്ടുങ്കൽ
Copyright @ 2022 , Rashtra Deepika Ltd.