ബംഗളൂരു: കേരളസമാജം ഐഎഎസ് അക്കാഡമിയിൽ നിന്നും വിജയികളായവരെ അനുമോദിച്ചു. കേരളസമാജം പ്രസിഡന്റ് സി.പി. രാധാകൃഷ്ണന്റെ അധ്യക്ഷതയിൽ ചേർന്ന അനുമോദന യോഗം രേണുക വിശ്വനാഥൻ ഐഎഎസ് ഉദ്ഘാടനം ചെയ്തു. ഹൈദരാബാദ് വാണിജ്യനികുതി അഡീഷണൽ കമ്മീഷണർ വൈ.സത്യനാരായണ, ഡോ. അബ്ദുൽ ഖാദർ, അസീം ബെഹരി, അമിത് ചൗധരി, കേരളസമാജം ജനറൽസെക്രട്ടറി റജികുമാർ, കെഎൻഇ ട്രസ്റ്റ് സെക്രട്ടറി ജയ്ജോ ജോസഫ്, ട്രഷറർ രാജഗോപാൽ, കേരളസമാജം വൈസ് പ്രസിഡന്റ് വിക്രമൻ, കൾച്ചറൽ സെക്രട്ടറി ശ്രീകുമാർ തുടങ്ങിയവർ പ്രസംഗിച്ചു.
സിവിൽ സർവീസ് പരീക്ഷയിൽ വിജയിച്ച ബി. നിഖിൽ, ഡി. സ്നേഹ, ഡി.കെ. മേഘശ്രീ, സുമിത് ബലെച്ച, ഡോ.വിനീത്, അംബരിഷ് രാഹുൽ , ബി.കെ. ഗോപാലകൃഷ്ണ, സന്തോഷ് ഭീമയ്യ, ജി. നയന ഐഎസ് പരീക്ഷയിൽ വിജയിച്ച ഗണ പി. കുമാർ, കെ.എസ്. ആദർശ് എന്നിവരെ യോഗത്തിൽ അനുമോദിച്ചു. എല്ലാ വിജയികളെയും സംഘടിപ്പിച്ചു ജൂലൈയിൽ വിജയാഘോഷം നടത്തുമെന്ന് കേരളസമാജം ജനറൽ സെക്രട്ടറി റജി കുമാർ അറിയിച്ചു.