കേരളസമാജം ഫ്രാങ്ക്ഫർട്ട് സീനിയർ സിറ്റിസൺ ഫോറം പ്രവർത്തനം തുടങ്ങി
Thursday, November 24, 2016 7:03 AM IST
ഫ്രാങ്ക്ഫർട്ട്: കേരള സമാജം ഫ്രാങ്ക്ഫർട്ടിന്റെ പ്രായം കൂടിയ അംഗങ്ങൾക്ക് ഒരുമിച്ചുകൂടാൻ സീനിയർ സിറ്റിസൺ ഫോറം എന്ന ഒരു പോഷക സംഘടന പ്രവർത്തനം ആരംഭിച്ചു.

നവംബർ 20ന് ബോണാമസിലെ ഹൗസ് നിഡായിൽ നടന്ന സീനിയർ സിറ്റിസൺ ഫോറത്തിന്റെ ആദ്യ കൂട്ടായ്മയിൽ സമാജം പ്രസിഡന്റ് ബോബി ജോസഫ്, കോശി മാത്യു, ഫാ. ദേവദാസ് പോൾ, മനോഹരൻ ചങ്ങനാത്ത്, ജോസ്കുമാർ ചോലങ്കേരി എന്നിവർ പ്രസംഗിച്ചു. ബേബിച്ചൻ കലയങ്കേരി കവിതാലാപനം നടത്തി. മാത്യു അമ്പാട്ടുതടത്തിൽ ഫ്രാങ്ക്ഫർട്ടിൽ മരിച്ചവരെ അനുസ്മരിച്ചു. ഉത്തരപ്രദേശിലെ കാൺപൂരിൽ ഉണ്ടായ ട്രെയിൻ അപകടത്തിൽ മരിച്ചവരെ കൂട്ടായ്മ അനുശോചിച്ചു.

വർഷത്തിൽ മിനിമം മൂന്ന് പരിപാടികൾ നടത്താനും അടുത്ത വർഷത്തെ ആദ്യത്തെ പരിപാടി മാർച്ച് 19 ന് നടത്താനും യോഗത്തിൽ തീരുമാനമായി. ജോസ് നെല്ലുവേലി ഫോട്ടോയും മറ്റ് ഭാരവാഹികളായ ഡോ. മങ്ക പെരുന്നേപ്പറമ്പിൽ, സിറിയക്ക് മുണ്ടയ്ക്കതറേപ്പേൽ എന്നിവർ ഫോറത്തിന്റെ സുഗമമായ നടത്തിപ്പിന് എല്ലാവരുടെയും സഹകരണവും അഭ്യർഥിച്ചു. അത്താഴ വിരുന്നോടെ സീനിയർ സിറ്റിസൺ ഫോറത്തിന്റെ ആദ്യ ഒത്തുചേരൽ സമാപിച്ചു.

റിപ്പോർട്ട്: ജോർജ് ജോൺ
Copyright @ 2022 , Rashtra Deepika Ltd.