ആണവ നിലയങ്ങൾ പൂട്ടുന്നതിനേനാട് സ്വിസ് ജനതയ്ക്കു യോജിപ്പ്
Monday, November 21, 2016 10:17 AM IST
ജനീവ: സ്വിറ്റ്സർലൻഡിലെ ആണവ നിലയങ്ങൾ സമയബന്ധിതമായി അടച്ചുപൂട്ടുന്നതിനോട് സ്വിസ് ജനതയിൽ ഭൂരിപക്ഷവും യോജിക്കുന്നതായി സർവേ ഫലം.

ഈ വിഷയത്തിൽ നടക്കുന്ന ജനഹിത പരിശോധനയിൽ നവംബർ 27നാണ് വോട്ടെടുപ്പ്. ഇതിൽ, അടച്ചുപൂട്ടലിന് അനൂകൂലമായിരിക്കും ജനവിധി എന്നാണ് സർവേ റിപ്പോർട്ടിലെ പ്രവചനം.

ഗ്രീൻ പാർട്ടിയാണ് വിഷയത്തിൽ ഹിതപരിശോധന സാധ്യമാക്കിയത്. രാജ്യത്ത് ആകെ അഞ്ച് റിയാക്റ്ററുകളാണ് ഇപ്പോൾ പ്രവർത്തിക്കുന്നത്. ഇതിൽ മൂന്നെണ്ണം അടുത്ത വർഷം ആദ്യത്തോടെ അടച്ചു പൂട്ടിക്കുകയാണ് പാർട്ടിയുടെ ലക്ഷ്യം.

എന്നാൽ, പകരം ആവശ്യത്തിന് ഊർജോത്പാദന മാർഗങ്ങൾ തുറന്നു കിട്ടാതെ ഇങ്ങനെയൊരു പദ്ധതി നടപ്പാക്കുന്നതിനോട് സ്വിസ് സർക്കാരിന് യോജിപ്പില്ല.

റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.