സർക്കോസിയുടെ പ്രസിഡൻഷ്യൽ മോഹം പൊലിഞ്ഞു
Monday, November 21, 2016 10:16 AM IST
പാരീസ്: വീണ്ടും ഫ്രഞ്ച് പ്രസിഡന്റാകാനുള്ള നിക്കോളാസ് സർക്കോസിയുടെ ശ്രമത്തിന് തിരിച്ചടി. സെന്റർ റൈറ്റ് റിപ്പബ്ലിക്കൻ പാർട്ടിയുടെ സ്‌ഥാനാർഥിയാകാൻ നടത്തിയ പ്രൈമറിയിൽ സർക്കോസിക്ക് പരാജയം സമ്മതിക്കേണ്ടി വന്നു. ആദ്യ ഘട്ടത്തിൽ ഒന്നാം സ്‌ഥാനത്തെത്തിയിരിക്കുന്നത് മിതവാദി നേതാവായ ഫ്രാൻസ്വ ഫില്ലൻ ആണ്. ഇതോടെ സർക്കോസി പരാജയം അംഗീകരിക്കുകയും ചെയ്തു.

ഫ്രാൻസിന്റെ മുൻ പ്രധാനമന്ത്രിയാണ് ഫില്ലൻ. മറ്റൊരു മുൻ പ്രധാനമന്ത്രി അലെയ്ൻ ജൂപ്പെയാണ് പ്രൈമറിയിൽ രണ്ടാം സ്‌ഥാനത്തെത്തിയിരിക്കുന്നത്. അടുത്ത ഞായറാഴ്ച നടക്കുന്ന രണ്ടാം ഘട്ടത്തിൽ ഇവർ തമ്മിലായിരിക്കും മത്സരം.

തീവ്ര വലതുപക്ഷ നേതാവ് മറൈൻ ലെ പെൻ ആയിരിക്കും റിപ്പബ്ലിക്കൻ പാർട്ടി സ്‌ഥാനാർഥിയുടെ മുഖ്യ എതിരാളി. ഭരണകക്ഷിയായ സോഷ്യലിസ്റ്റ് പാർട്ടിക്ക് അടുത്ത തെരഞ്ഞെടുപ്പിൽ വിജയ സാധ്യത കുറവാണ്.

റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.