എൻഫീൽഡ് മാസ് സെന്ററിൽ ഇടവകദിനാചരണം നടത്തി
Tuesday, November 15, 2016 9:00 AM IST
എൻഫീൽഡ്: ഗ്രേറ്റ് ബ്രിട്ടൻ സീറോ മലബാർ സഭയിലെ എൻഫീൽഡ് മാസ് സെന്ററിന്റെ 2016 ലെ ഇടവക ദിനാഘോഷം നവംബർ 12ന് (ശനി) പോട്ടേഴ്സ് ബാറിലുള്ള യുണൈറ്റഡ് റീഫോർമഡ് ചർച്ച് ഹാളിൽ അരങ്ങേറി.

ചാപ്ലിൻ ഫാ. സെബാസ്റ്റ്യൻ ചാമക്കാലയുടെ കാർമികത്വത്തിൽ നടന്ന യാമപ്രാർഥനക്കുശേഷം മാസ് സെന്ററിലെ മൂന്ന് വാർഡ് കൂട്ടായ്മകളുടെ പ്രതിനിധികളായ ബാബു ജേക്കബ് പൊടിമറ്റം അനിൽ മുട്ടാർ, ലിസ സെബാസ്റ്റ്യൻ എന്നിവരും ട്രസ്റ്റികളായ സാജു വർഗീസ്, ബിനു മാത്തച്ചൻ എന്നിവർക്കൊപ്പം ഫാ. സെബാസ്റ്റ്യൻ ചാമക്കാലായുടെ നേതൃത്വത്തിൽ ഭദ്രദീപം തെളിച്ച് വിവിധ കലാപരിപാടികൾക്ക് തുടക്കം കുറിച്ചു.

മാസ് സെന്ററിലെ ദമ്പതികളായ ഷൈൻ–ലീഷ, സണ്ണി –ഷേർലി എന്നിവരുടെ വിവാഹവാർഷികവും മാസ് സെന്ററിന്റെ റിപ്പോർട്ട് ട്രസ്റ്റി സാജു വർഗീസും അവതരിപ്പിച്ചു. സ്നേഹവിരുന്നോടെ പരിപാടികൾ സമാപിച്ചു.

റിപ്പോർട്ട്: അപ്പച്ചൻ കണ്ണഞ്ചിറ
Copyright @ 2022 , Rashtra Deepika Ltd.