കോപ്പൻഹേഗനിൽ ക്രിസ്മസ് ആഘോഷവും സംഗീതനിശയും ഡിസംബർ 11ന്
Monday, November 14, 2016 6:40 AM IST
കോപ്പൻഹേഗൻ: ക്രിസ്മസിനോട് അനുബന്ധിച്ച് ഡെന്മാർക്ക് മലയാളികൾ ഡിസംബർ 11ന് മലയാളി സംഗമവും ക്രിസ്മസ് ആഘോഷവും സംഗീത നിശയും സംഘടിപ്പിക്കുന്നു.

ഉച്ചകഴിഞ്ഞ് രണ്ടിനാണ് ആരംഭിക്കുന്ന പരിപാടികൾ നാടൻ ഭക്ഷണത്തോടെ രാത്രി എട്ടിന് അവസാനിക്കും. ഈ വർഷത്തെ ആഘോഷത്തിൽ രാജ്യത്തിന്റെ വിവിധ ഭാഗങ്ങളിൽ നിന്നും മലയാളികൾ എത്തിച്ചേരും. യുകെയിൽ നിന്നുള്ള പ്രമുഖ ബാൻഡിന്റെ സംഗീതനിശ ആഘോഷത്തെ അവിസ്മരണീയമാക്കും. കുട്ടികളും മുതിർന്നവരും ഉൾപ്പെടുന്ന വിനോദ പരിപാടികളും ഡാൻസ്, മിമിക്രി തുടങ്ങിയ കലാപരിപാടികളും ആഘോഷത്തിന് മിഴിവേകും.

പരിപാടിയിലേക്ക് ഡെന്മാർക്കിലെ മുഴുവൻ മലയാളികളെയും ഫാ. എൽദോസ് വട്ടപ്പറമ്പിൽ സ്വാഗതം ചെയ്തു.

ആഘോഷങ്ങളിൽ പങ്കെടുക്കാൻ താല്പര്യമുള്ളവർ https://docs.google.com/forms/d/1W8K7QVRf8kk1I2YHYPCbcELD5U9691EczFp8oKG7ncM/viewform?edit_requested=true എന്ന ലിങ്കിൽ പേരുകൾ രജിസ്റ്റർ ചെയ്യണമെന്ന് സംഘാടകർ അഭ്യർഥിച്ചു.

വിവരങ്ങൾക്ക്: 004552998210.

റിപ്പോർട്ട്: ജോബി ആന്റണി
Copyright @ 2022 , Rashtra Deepika Ltd.