ഇസ്ലാഹി ഈദ് മർഹ: ഫർവാനിയ ഏരിയ ഓവറോൾ ചാമ്പ്യന്മാർ
Friday, September 16, 2016 3:41 AM IST
കുവൈത്ത് : ബലിപെരുന്നാൾ രണ്ടാം ദിനത്തിൽ ഇന്ത്യൻ ഇസ്ലാഹി സെന്റർ വഫ്ര ഫാമിൽ സംഘടിപ്പിച്ച ഈദ് മർഹ 2016 ൽ ഫർവാനിയ ഏരിയ 156 പോയിന്റോടെ ഓവറോൾ ചാമ്പ്യന്മാരായി.

അഹ്മദി ഏരിയ രണ്ടാം സ്‌ഥാനവും ഹവല്ലി ഏരിയ മൂന്നാം സ്‌ഥാനവും കരസ്‌ഥമാക്കി. ഇൻഡോർ ഔഡ് ഡോർ വേദികളിലായി വൈവിധ്യമായ കലാ കായിക മത്സരങ്ങളാണ് സംഘടിപ്പിച്ചത്. കുട്ടികൾക്കും മുതിർന്ന സ്ത്രീകൾക്കും പുരുഷന്മാർക്കും പ്രത്യേകം മത്സരങ്ങൾ ഉണ്ടായിരുന്നു.

വിജയികൾക്കുള്ള സമ്മാനങ്ങൾ ഐഐസി ഉപാധ്യക്ഷൻ സിദ്ധീഖ് മദനി, ട്രഷറർ മുഹമ്മദ് ബേബി, അയൂബ് ഖാൻ എന്നിവർ വിതരണം ചെയ്തു. ജനറൽ സെക്രട്ടറി എൻജി. അൻവർ സാദത്ത്, ഹാരിസ് മങ്കട, യൂനുസ് സലിം, സലിം മാസ്റ്റർ, മുദ്ദസർ മാസ്റ്റർ, ഷഹർബാൻ ബേബി, ആലിയ ശാദുലി എന്നിവർ പരിപാടികൾ നിയന്ത്രിച്ചു. സയിദ് അബ്ദുറഹ്മാൻ തങ്ങൾ ക്ലാസെടുത്തു. പി.വി അബ്ദുൽ വഹാബ്, അബ്ദുന്നാസർ മൗലവി എന്നിവർ പ്രസംഗിച്ചു.

<ആ>റിപ്പോർട്ട്: സലിം കോട്ടയിൽ
Copyright @ 2022 , Rashtra Deepika Ltd.