സാംസംഗ് ഗ്യാലക്സി നോട്ട് 7 പുറത്തിറക്കി
Wednesday, August 10, 2016 4:43 AM IST
ഫ്രാങ്ക്ഫർട്ട്: ലോകത്തിലെ ഏറ്റവും ബുദ്ധിശാലിയായ സ്മാർട്ട് ഫോൺ എന്നു വിശേഷിക്കപ്പെടുന്ന സാംസംഗ് ഗ്യാലക്സി നോട്ട് 7 പുറത്തിറക്കി. ഓഗസ്റ്റ് 19 മുതൽ സ്റ്റോറുകളിൽ ലഭ്യമാകുന്ന ഗ്യാലക്സി നോട്ട് 7, ബ്ലൂ കോറൽ, ഗോൾഡ് പ്ലാറ്റിനം, സിൽവർ ടൈറ്റാനിയം, ബ്ലാക്ക് ഒനിക്സ് തുടങ്ങിയ കളർ വേരിയന്റുകളിലാണ് വരുന്നത്. ഇന്ത്യൻ വിപണിയിൽ 53,000 രൂപയാണു പ്രതീക്ഷിക്കുന്ന വില.

ഏറ്റവും പുതിയ ആൻഡ്രോയ്ഡ് പതിപ്പായ ആൻഡ്രോയ്ഡ് 6.0.1 മാർഷ്മെലോ ഓപ്പറേറ്റിംഗ് സിസ്റ്റത്തിലാണു സാംസംഗ് ഗ്യാലക്സി നോട്ടിന്റെ പ്രവർത്തനം. 1440ഃ 2560 പിക്സൽ റസലൂഷനിലുള്ള 5.7 ഇഞ്ച് ക്വാഡ് എച്ച്ഡി ഡുവൽ എഡ്ജ് സൂപ്പർ അമോലെഡ് ഡിസ്പ്ലേയ്ക്ക് കോമിങ് ഗോറില്ല ഗ്ലാസ് 5 ന്റെ അധികസംരക്ഷണവുമുണ്ട്. കാമറയുടെ കാര്യമെടുത്താൽ ഒപ്ടിക്കൽ ഇമേജ് റസലൂഷനോടുകൂടിയ 12 മെഗാ പിക്സൽ പ്രധാന കാമറയാണ് നൽകിയിരിക്കുന്നത്.

വ്യത്യസ്ത വിപണികൾക്കനുസരിച്ച് 2.3 ജിഗാഹെട്സ് ഒക്ടോകോർ എക്സിനോസ് 8890 പ്രോസസർ അല്ലെങ്കിൽ ക്വാഡ് കോർ ക്വാൽകം സ്നാപ്ഡ്രാഗൺ 820 പ്രോസസറിൽ എത്തുന്ന ഫോണിനു 4 ജിബി റാം ആണ് നൽകിയിരിക്കുന്നത്.

ദക്ഷിണ കൊറിയൻ ടെക്നോളജി ഭീമൻമാരായ സാംസംഗ് തങ്ങളുടെ ഫ്ളാഗ്ഷിപ്പ് ഫാബ് ലെറ്റായ ഗാലക്സി നോട്ട് 7 നു ഒട്ടേറെ പ്രതീക്ഷയാണ് ലോകമെങ്ങുമുള്ള ഉപഭോക്‌താക്കൾക്കു നൽകുന്നത്.

<ആ>റിപ്പോർട്ട്: ജോർജ് ജോൺ
Copyright @ 2022 , Rashtra Deepika Ltd.