ബ്രിസ്റ്റോളിൽ വിശുദ്ധ അൽഫോൻസാമ്മയുടെ തിരുനാൾ ജൂലൈ 15, 16 തീയതികളിൽ
Thursday, July 14, 2016 5:15 AM IST
ബ്രിസ്റ്റോൾ: സീറോ മലങ്കര കത്തോലിക്ക പള്ളിയിയിൽ വിശുദ്ധ അൽഫോൻസാമ്മയുടെ തിരുനാൾ ജൂലൈ 15, 16 (വെള്ളി, ശനി) ദിവസങ്ങളിൽ ബ്രിസ്റ്റോൾ സൗത്തമേഡിലുള്ള സെന്റ് വിൻസെന്റ് കാത്തലിക് പള്ളിയിൽ ആഘോഷിക്കുന്നു.

15നു (വെള്ളി) വൈകുന്നേരം ആറിനു തിരുനാളിനു തുടക്കം കുറിച്ച് കൊടിയേറ്റു നടത്തും. തുടർന്നു ഫാ.ഡാനിയേൽ കുളങ്ങര മുഖ്യ കാർമികനായി വിശുദ്ധ കുർബാന അർപ്പിക്കും. പ്രമുഖ ചരിത്ര പണ്ഡിതനും ചിന്തകനുമായ ഫാ. ജോയി വയലിൽ സിഎസ്ടി തിരുനാൾ സന്ദേശവും ഷെഫീൽഡ് കത്തോലിക്കാ പള്ളി വികാരി ഫാ. തോമസ് മടുക്കമൂട്ടിൽ ആത്മീയ പ്രഭാഷണവും നടത്തും.

പ്രധാന തിരുനാൾദിനമായ 16നു (ശനി) രാവിലെ 9.30നു സഭാ കോഓർഡിനേറ്റർ ഫാ. ഡാനിയേൽ കുളങ്ങര ആഘോഷമായ തിരുനാൾ കുർബാന അർപ്പിക്കും. തുടർന്നു നേർച്ച വിതരണവും നടക്കും.

വിശുദ്ധ അൽഫോൻസാമ്മയുടെ പേരിൽ സ്‌ഥാപിതമായ ബ്രിസ്റ്റോൾ മലങ്കര കത്തോലിക്ക മിഷൻ തിരുനാൾ ക്രമീകരണങ്ങൾ പൂർത്തിയാക്കിയതായി മലങ്കര കത്തോലിക്കാ സഭയുടെ യുകെ കോഓർഡിനേറ്റർ ഫാ. ഡാനിയേൽ കുളങ്ങര, ബ്രിസ്റ്റോൾ ട്രസ്റ്റി വിനോദ് ജോൺസൺ, സെക്രട്ടറി ഷാജി സ്കറിയ എന്നിവർ പറഞ്ഞു.

<ആ>റിപ്പോർട്ട്: മാനുവൽ മാത്യു
Copyright @ 2022 , Rashtra Deepika Ltd.