ബ്രോംലി സീറോ മലബാർ മാസ് സെന്ററിൽ സംയുക്‌ത തിരുനാൾ ജൂലൈ 16ന്
Thursday, July 14, 2016 5:09 AM IST
ലണ്ടൻ: ബ്രോംലി സീറോ മലബാർ മാസ് സെന്ററിന്റെ നേതൃത്വത്തിൽ മാർ തോമാശ്ലീഹയുടെയും വിശുദ്ധ അൽഫോൻസാമ്മയുടെയും ചാവറ കുര്യാക്കോസ് ഏലിയാസച്ചന്റേയും എവുപ്രാസ്യമ്മയുടെയും നാമധേയത്തിൽ നടത്തുന്ന സംയുക്‌ത തിരുനാളാഘോഷം ജൂലൈ 16നു (ശനി) ആഘോഷിക്കുന്നു.

രാവിലെ 11നു കൊടിയേറ്റോടുകൂടി തിരുനാളിനു തുടക്കം കുറിക്കും. തുടർന്നു പ്രസുദേന്തി വാഴ്ച, ആഘോഷമായ തിരുനാൾ കുർബാനക്ക് ഫാ. ജോയി വയലിൽ മുഖ്യകാർമികത്വം വഹിക്കും. ഫാ.ജിൻസൺ മുട്ടത്തുകുന്നേൽ, ഫാ.സാജു പിണക്കാട്ട് (കപ്പൂച്ചിൻ) എന്നിവർ സഹകാർമികരായിരിക്കും. ഫാ.ജിൻസൺ മുട്ടത്തുകുന്നേൽ തിരുനാൾ സന്ദേശം നൽകും. ലദീഞ്ഞ്, പ്രദക്ഷിണം, സമാപന ആശീർവാദം, നേർച്ച വിതരണം എന്നിവയോടുകൂടി തിരുക്കർമങ്ങൾ സമാപിക്കും. തിരുനാളിന്റെ ഭാഗമായി സ്നേഹ വിരുന്നും തുടർന്നു മതബോധന സ്കൂളിന്റെ വാർഷികവും നടക്കും.

തിരുനാളിൽ പങ്കെടുത്ത് വിശുദ്ധരുടെ മാധ്യസ്‌ഥംവഴി അനുഗ്രഹങ്ങൾ പ്രാപിക്കുവാൻ ബ്രോംലി സീറോ മലബാർ സെന്റർ ചാപ്ലെയിൻ ഫാ. സാജു പിണക്കാട്ട് ഏവരെയും സ്വാഗതം ചെയ്തു.

തിരുനാൾ ദിനത്തിൽ കഴുന്നും മുടിയും എടുക്കുന്നതിനും അടിമവയ്ക്കുവാനും അവസരമുണ്ടായിരിക്കും.

വിവരങ്ങൾക്ക്: സിബി മാത്യു (കൈക്കാരൻ) 07412261169, ബിജു ചാക്കോ (കൈക്കാരൻ) 07794778252.

വിലാസം: സെന്റ് ജോസഫ് കാത്തലിക്ക് ചർച്ച്, 1 ഓർക്കാർഡ് റോഡ് ബി.ആർ1 2 പീ.ആർ, ബ്രോംലി, ലണ്ടൻ.

<ആ>റിപ്പോർട്ട്: അപ്പച്ചൻ കണ്ണഞ്ചിറ
Copyright @ 2022 , Rashtra Deepika Ltd.