ഹള്‍ സെന്റ് ജോസഫ്സ് കത്തോലിക്ക ദേവാലയത്തില്‍ തിരുനാള്‍ ആഘോഷം ജൂലൈ രണ്ടിന്
Thursday, June 30, 2016 8:03 AM IST
ലണ്ടന്‍: ഹള്‍ സെന്റ് ജോസഫ്സ് കത്തോലിക്ക ദേവാലയത്തില്‍ ഭാരതത്തിന്റെ അപ്പസ്തോലന്‍ മാര്‍ തോമാശ്ളീഹായുടെയും മറ്റു വിശുദ്ധരുടെയും തിരുനാള്‍ ജൂലൈ രണ്ടിനു (ശനി) ആഘോഷിക്കുന്നു.

ഉച്ചകഴിഞ്ഞു മൂന്നിനു നടക്കുന്ന കൊടിയേറ്റു കര്‍മത്തോടെ തിരുനാളിന്റെ തിരുക്കര്‍മങ്ങള്‍ക്കു തുടക്കമാവും. തുടര്‍ന്നു പ്രസുദേന്തി വാഴിക്കല്‍, ലദീഞ്ഞ്, ആഘോഷമായ തിരുനാള്‍ പാട്ടുകുര്‍ബാന എന്നിവ നടക്കും. തുടര്‍ന്നു വിശുദ്ധരുടെ തിരുസ്വരൂപങ്ങള്‍ വഹിച്ചുകൊണ്ടുള്ള പ്രദക്ഷിണം, കഴുന്നെടുപ്പ്, വിശുദ്ധ കുര്‍ബാനയുടെ ആശീര്‍വാദം എന്നിവയ്ക്കുശേഷം സ്നേഹവിരുന്ന്, ഗാനമേള എന്നിവയോടെ ഈ വര്‍ഷത്തെ തിരുനാള്‍ സമാപിക്കും.

തിരുക്കര്‍മങ്ങളില്‍ പങ്കെടുത്തു അനുഗ്രഹം പ്രാപിക്കാന്‍ ഏവരേയും സ്വാഗതം ചെയ്യുന്നതായി തിരുനാള്‍ കമ്മിറ്റി കണ്‍വീനര്‍ സ്റീഫന്‍ കല്ലടയില്‍, കൈക്കാരന്മാരായ ഷൈന്‍ ഫിലിപ്പ്, ജോഗേഷ്, ഫാ. ആന്റണി ചുണ്ടലിക്കാട് എന്നിവര്‍ അറിയിച്ചു.

പള്ളിയുടെ വിലാസം: ട. ഖീലുെവ’ ഇമവീേഹശര ഇവൌൃരവ, ആീീവേളല്യൃൃ ഞീമറ, ഔഹഹ, ഒഡ4 6ഋച.

റിപ്പോര്‍ട്ട്: ഷൈമോന്‍ തോട്ടുങ്കല്‍
Copyright @ 2022 , Rashtra Deepika Ltd.