ന്യൂയോര്‍ക്ക്, വെസ്റ്ചെസ്റര്‍ കൌണ്ടിയില്‍ ഇന്റര്‍നാഷനല്‍ യോഗാ ദിനം ആഘോഷിച്ചു
Monday, June 20, 2016 6:32 AM IST
ന്യൂയോര്‍ക്ക്: ഇന്ത്യന്‍ കള്‍ചറല്‍ അസോസിയേഷന്‍ ഓഫ് നോര്‍ത്ത് അമേരിക്കയും ഹിന്ദു ടെമ്പിള്‍ ഓഫ് ട്രൈസ്റേറ്റും ചേര്‍ന്ന് ഈ വര്‍ഷം രണ്ടാമത് ഇന്റര്‍നാഷണല്‍ യോഗ ഡേ ക്രോട്ടന്‍ പോയിന്റ് പാര്‍ക്കില്‍ വിപുലമായി ആഘോഷിച്ചു.

കോണ്‍സുലേറ്റ് ജനറല്‍ ഓഫ് ഇന്ത്യയെ (സിജി) പ്രതിനിധീകരിച്ചു. സന്ദീപ് ഗ്രോവര്‍ ആദ്യാവസാനം പങ്കെടുത്തു. ഒസിഐ കാര്‍ഡിനെപ്പറ്റിയുള്ള നിരവധി ചോദ്യങ്ങള്‍ക്ക് മറുപടി പറയാനും അദ്ദേഹം സമയം കണ്െടത്തി.

വെസ്റ്ചെസ്റര്‍ കൌണ്ടി എക്സിക്യൂട്ടീവ് റോബ് അസ്റോരിനൊ സംരംഭത്തിന് എല്ലാവിധ ഭാവുകങ്ങളും നേര്‍ന്ന് ജൂണ്‍ 15നു വെസ്റ്ചെസ്റര്‍ കൌണ്ടിയില്‍ യോഗ ഡേ ആയി പ്രഖ്യാപിച്ചു അദ്ദേഹത്തിന്റെ ഓഫീസില്‍ വച്ച് പ്രോക്ളമേഷന്‍ നല്‍കിയിരുന്നു.

ന്യൂജേഴ്സിയില്‍നിന്നു യോഗ പരിശീലകരായ രാജേഷ്, രജനി, മധു എന്നിവരാണ് യോഗയ്ക്കു നേതൃത്വം നല്‍കിയത്. ഹൃദ്യമായ കാലാവസ്ഥയില്‍ മനോഹരമായ പ്രകൃതിഭംഗി ആസ്വദിച്ചു ഒരു മണിക്കൂര്‍ നേരത്തെ യോഗ വളരെ ഹൃദ്യമായി. ഓവര്‍സീസ് ഫ്രണ്ട്സ് ഓഫ് ബിജെപി യുഎസ്എ യുടെ ന്യൂയോര്‍ക്ക് യൂത്ത് കോ-ഓര്‍ഡിനേറ്ററും ഇന്ത്യന്‍ കള്‍ചറല്‍ അസോസിയേഷന്‍ ഓഫ് നോര്‍ത്ത് അമേരിക്കയുടെ പ്രസിഡന്റുമായ ശിവദാസന്‍ നായരുടെ നേതൃത്വത്തില്‍ ഹിന്ദു ടെമ്പിള്‍ ഭാരവാഹികളായ ഹാരി സിംഗ്, വിവേക് ഗുപ്ത, ജ്യോതിന്‍ താക്കര്‍, ഓം ധിമാന്‍ തുടങ്ങിയവരും സജീവമായി പങ്കെടുത്തു.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.