ഒര്‍ലാന്‍ഡോ കൂട്ടക്കൊല: ഐക്യദാര്‍ഢ്യം പ്രകടിപ്പിച്ച് ഈഫല്‍ ഗോപുരവും
Tuesday, June 14, 2016 8:30 AM IST
പാരിസ്: ഒര്‍ലാന്‍ഡോ നൈറ്റ് ക്ളബ്ബ് വെടിവയ്പില്‍ ജീവന്‍ നഷ്ടപ്പെട്ടവരോട് ഐക്യദാര്‍ഢ്യം പ്രകടിപ്പിച്ച് ഈഫല്‍ ഗോപുരം മഴവില്‍ നിറത്തില്‍ പ്രകാശപൂരിതമായി.

ജൂണ്‍ 13നാണ് ഈഫല്‍ ഗോപുരം വര്‍ണാഭമായത്. പാരിസിലെ ജനങ്ങള്‍ ഒര്‍ലാന്‍ഡോയൊടൊപ്പമാണെന്നു മേയര്‍ ആനി ഹിഡലാഗോ പറഞ്ഞു. പാരിസ് നഗരത്തിലെ ലൈറ്റുകളെല്ലാം മഴവില്‍ വര്‍ണവും ചുവപ്പും വെള്ളയും നീലയും വര്‍ണങ്ങള്‍ കൊണ്ട് നിറഞ്ഞിരുന്നു.

പാരിസ് കൌണ്‍സില്‍ അംഗങ്ങള്‍ മേയറുടെ അധ്യക്ഷതയില്‍ സിറ്റി ഹാളില്‍ ഒത്തുചേര്‍ന്ന് ഒരു മിനിട്ട് മൌനം ആചരിച്ചാണ് ഐക്യദാര്‍ഢ്യം പ്രഖ്യാപിച്ചത്.
Copyright @ 2022 , Rashtra Deepika Ltd.