കൊളോണ്‍ കേരള സമാജം ചീട്ടുകളി മല്‍സരം ജൂണ്‍ നാലിന്
Friday, June 3, 2016 8:23 AM IST
കൊളോണ്‍: കഴിഞ്ഞ മൂന്നു പതിറ്റാണ്ടായി കൊളോണ്‍ മലയാളികളുടെ ഹൃദയത്തുടിപ്പായി മാറിയ കൊളോണ്‍ കേരള സമാജത്തിന്റെ ആഭിമുഖ്യത്തില്‍ കൊളോണ്‍ ട്രോഫിക്കു വേണ്ടിയുള്ള ചീട്ടുകളി മല്‍സരം നടത്തുന്നു.

ജൂണ്‍ നാലിനു (ശനി) രാവിലെ 10 മുതല്‍ രാത്രി 10 വരെ കൊളോണ്‍ റാഡര്‍ത്താല്‍ മരിയ എംഫേഗ്നസ് ദേവാലയ ഹാളിലാണ് (ജളമൃൃമെമഹ ങമൃശമ ഋാുളറ്റിഴിശ ഗശൃരവല, ഞമറലൃയലൃഴലൃൃ. 199, 50968 ഗöഹി) മല്‍സരങ്ങള്‍.

മല്‍സരങ്ങള്‍ക്ക് പോള്‍ ചിറയത്ത്, (സ്പോര്‍ട്സ് സെക്രട്ടറി, 0157 53422279) ജോസ് പുതുശേരി (പ്രസിഡന്റ്, 02232 34444), ഡേവീസ് വടക്കുംചേരി (ജന.സെക്രട്ടറി,0221 5904183) എന്നിവര്‍ നേതൃത്വം നല്‍കും.

56 (ലേലം) ഇനത്തില്‍ ആയിരിക്കും മല്‍സരങ്ങള്‍. എല്ലാ ടീമുകളും പരസ്പരം മല്‍സരിക്കേണ്ടി വരും.ഏറ്റവും കൂടുതല്‍ പോയിന്റ് നേടുന്ന ആദ്യത്തെ മൂന്നു ടീമുകള്‍ക്ക് സെപ്റ്റംബര്‍ 10നു (ശനി) വെസ്ലിംഗ് സെന്റ് ഗെര്‍മാനൂസ് പള്ളി ഓഡിറ്റോറിയത്തില്‍ നടക്കുന്ന സമാജത്തിന്റെ ഓണാഘോഷവേളയില്‍ പൊക്കാലും സമ്മാനങ്ങളും വിതരണം ചെയ്യും.

ഷീബ കല്ലറയ്ക്കല്‍ (ട്രഷറര്‍), സെബാസ്റ്യന്‍ കോയിക്കര (വൈസ് പ്രസിഡന്റ്), ജോസ് കുമ്പിളുവേലില്‍ (കള്‍ചറല്‍ സെക്രട്ടറി), ജോസ് നെടുങ്ങാട് (ജോ.സെക്രട്ടറി) എന്നിവരാണ് എക്സിക്യൂട്ടീവ് കമ്മിറ്റിയിലെ മറ്റംഗങ്ങള്‍.

വെബ്സൈറ്റ്: വു://സലൃമഹമമൊമഷമാസീലഹി.റല

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.