യൂറോ കപ്പ്: സന്നാഹ മത്സരത്തില്‍ ജര്‍മനിക്കു തോല്‍വി
Monday, May 30, 2016 8:19 AM IST
ഔഗ്സ്ബര്‍ഗ്: യൂറോ കപ്പിനുള്ള തയാറെടുപ്പ് എന്ന നിലയില്‍ സംഘടിപ്പിക്കപ്പെട്ട അന്താരാഷ്ട്ര സൌഹൃദ ഫുട്ബോള്‍ മത്സരത്തില്‍ ജര്‍മനിക്കു പരാജയം. താരതമ്യേന ദുര്‍ബലരായ സ്ളോവാക്യയാണ് ലോക ചാമ്പ്യന്‍മാരെ ഒന്നിനെതിരേ മൂന്നു ഗോളുകള്‍ക്കു ഞെട്ടിച്ചത്.

യൂറോ കപ്പിനുള്ള അന്തിമ ടീം പ്രഖ്യാപിക്കാനിരിക്കെ നേരിട്ട തിരിച്ചടി ജര്‍മന്‍ കോച്ച് ജോവാഹിം ലോയെ കുഴയ്ക്കുന്നു.

പതിമൂന്നാം മിനിറ്റില്‍ കിട്ടിയ പെനല്‍റ്റി മുതലാക്കിയ മരിയോ ഗോമസ് ജര്‍മനിയെ ആദ്യം മുന്നിലെത്തിച്ചുവെങ്കിലും എന്നാല്‍, മാരെക് ഹാംസിക്, മിച്ചല്‍ ഡൂറിസ്, ജുരാജ് കുക്ക എന്നിവരിലൂടെ സ്ളോവാക്യ ശക്തമായി തിരിച്ചടിക്കുകയായിരുന്നു.

യൂറോ കപ്പില്‍ ജര്‍മനിയും സ്ളോവാക്യയും കൂടാതെ ഇംഗ്ളണ്ടും വെയില്‍സും ഫ്രാന്‍സുമാണ് ഗ്രൂപ്പിലെ മറ്റു ടീമുകള്‍.

ഓഗ്സ്ബര്‍ഗില്‍ കനത്ത മഴയത്താണ് കളി പൂര്‍ത്തിയാക്കിയത്. മഴ കാരണം കളി നിര്‍ത്തിവയ്ക്കേണ്ടി വരുമോ എന്ന ആശങ്കയും ശക്തമായിരുന്നു. പ്രതികൂല കാലാവസ്ഥയാണ് പരാജയ കാരണം എന്നാശ്വസിക്കാന്‍ ശ്രമിക്കുകയാണ് ജര്‍മന്‍ ആരാധകരിപ്പോള്‍. എന്നാല്‍, കഴിഞ്ഞ നാല് അന്താരാഷ്ട്ര മത്സരങ്ങളില്‍ ജര്‍മനി നേരിടുന്ന മൂന്നാമത്തെ പരാജയമാണിതെന്നോര്‍ക്കുമ്പോള്‍ ആശങ്ക അസ്ഥാനത്തുമല്ല.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.