തീവ്രവാദ ഫണ്ടിംഗ് തടയാന്‍ ജി 7 നടപടി
Tuesday, May 24, 2016 8:22 AM IST
ബെര്‍ലിന്‍: ജി 7 രാജ്യങ്ങള്‍ തീവ്രവാദ ഫണ്ട് തടയാന്‍ ശക്തമായ നടപടികള്‍ നിശ്ചയിച്ചു. തീവ്രവാദശൃംഖലകളുടെ സാമ്പത്തികസ്രോതസ് മരവിപ്പിക്കാനും അതേക്കുറിച്ചുള്ള വിവരങ്ങള്‍ കൈമാറാനുമാണ് ഏഴു സമ്പന്ന രാജ്യങ്ങള്‍ തമ്മില്‍ ധാരണയിലത്തിെയത്.

ആക്രമണങ്ങള്‍ ആസൂത്രണം ചെയ്യാനും ഒരുരാജ്യത്തുനിന്ന് മറ്റൊന്നിലേക്ക് യാത്രചെയ്യുന്നതിനുമാണ് ഈ ശൃംഖലകള്‍ പണം ശേഖരിക്കുന്നത്. ജപ്പാനില്‍ അടുത്തയാഴ്ചയാണ് ജി 7 ഉച്ചകോടി. തീവ്രവാദ ഫണ്ടിനെതിരെ ഫലപ്രദമായ നിര്‍ദേശം ഉച്ചകോടിയില്‍ ഉരുത്തിരിയുമെന്നാണ് ലോകനേതാക്കളുടെ വിശ്വാസം. ബ്രിട്ടന്‍, കാനഡ, ഫ്രാന്‍സ്, ജര്‍മനി, ഇറ്റലി, ജപ്പാന്‍, യുഎസ് എന്നീ രാജ്യങ്ങളാണ് ഉച്ചകോടിയില്‍ പങ്കെടുക്കുന്നത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.