ബോട്ട് മുങ്ങി 500 പേര്‍ മരിച്ചെന്ന് അഭയാര്‍ഥികള്‍; സ്ഥിരീകരിക്കാനാവാതെ കോസ്റ് ഗാര്‍ഡ്
Wednesday, April 20, 2016 8:59 AM IST
റോം: ഇറ്റാലിയന്‍ തീരത്ത് വീണ്ടും അഭയാര്‍ഥി ദുരന്തം. മെഡിറ്ററേനിയന്‍ കടലില്‍ ബോട്ട് മുങ്ങി അഞ്ഞൂറോളം പേര്‍ മരിച്ചെന്ന് രക്ഷപ്പെട്ടെത്തിയവര്‍. 41 പേരാണു സുരക്ഷിതരായി കരയ്ക്കെത്തിയത്.

എന്നാല്‍, ഇത്ര വലിയ ദുരന്തം സ്ഥിരീകരിക്കാന്‍ തെളിവില്ലാതെ വിഷമിക്കുകയാണു കോസ്റ് ഗാര്‍ഡ് അധികൃതര്‍. ലിബിയയില്‍നിന്ന് ഇറ്റലിയിലേക്ക് അഭയാര്‍ഥികളുമായി വന്ന ബോട്ടാണു മുങ്ങിയത്.

എത്യോപ്യ, സോമാലിയ, സുഡാന്‍, ഈജിപ്റ്റ് തുടങ്ങിയ രാജ്യങ്ങളില്‍നിന്നുള്ളവരാണു ബോട്ടില്‍ ഉണ്ടായിരുന്നത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.