ടിവി അവതാരകനെതിരായ തുര്‍ക്കി പ്രസിഡന്റിന്റെ കേസിന് മെര്‍ക്കലിന്റെ അനുമതി
Saturday, April 16, 2016 8:13 AM IST
ബെര്‍ലിന്‍: ജര്‍മന്‍ ടിവി അവതാരകനെതിരേ തുര്‍ക്കി പ്രസിഡന്റ് റെസിപ് തയിബ് എര്‍ദോഗന്‍ തുടങ്ങിവച്ച നിയമ നടപടികള്‍ തുടരാന്‍ ജര്‍മന്‍ ചാന്‍സലര്‍ ആംഗല മെര്‍ക്കല്‍ അനുമതി നല്‍കി.

എര്‍ദോഗനെ വിമര്‍ശിക്കുന്ന ഡോക്യുമെന്ററി സംപ്രേഷണം ചെയ്തതിനാണ് കേസ്. വിമര്‍ശകരെ ജയിലിലടയ്ക്കുന്നതാണ് എര്‍ദോഗന്റെ രീതി എന്ന് ഇതില്‍ പരാമര്‍ശമുണ്ടായിരുന്നു.

അതേസമയം, പ്രോസിക്യൂഷന് അനുമതി നല്‍കുക എന്നുവച്ചാല്‍, പ്രതി കുറ്റക്കാരനാണെന്ന് അര്‍ഥമില്ലെന്നും മെര്‍ക്കല്‍ വിശദീകരിച്ചു. ജര്‍മനിയില്‍ മാധ്യമ സ്വാതന്ത്യ്രം അനുവദിക്കപ്പെട്ടിട്ടുള്ളതാണെന്നും അവതരാകന്‍ ചെയ്തതില്‍ തെറ്റില്ലെന്നുമുള്ള നിലപാടാണ് മെര്‍ക്കല്‍ നേരത്തെ സ്വീകരിച്ചിരുന്നത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.