ജ്വാല ഇ മാസിക ഫെബ്രുവരി ലക്കം പുറത്തിറങ്ങി
Saturday, February 13, 2016 10:27 AM IST
ലണ്ടന്‍: ലോക മലയാളികള്‍ക്കിടയില്‍ ശ്രദ്ധേയമായിക്കൊണ്ടിരിക്കുന്ന യുക്മയുടെ ജ്വാല ഇ മാസികയുടെ ഫെബ്രുവരി ലക്കം പുറത്തിറങ്ങി. കഥകളും കവിതകളും മാത്രം ഉള്‍പ്പെടുത്തിയിട്ടുള്ള പ്രത്യേക പതിപ്പാണ് ജ്വാലയുടെ ഈ ലക്കം. മലയാളത്തിന്റെ പ്രിയ കവി സച്ചിദാനന്ദന്റെ 'വാസവദത്ത ഉപഗുപ്തനോട്' എന്ന കവിത തന്നെ ഏറ്റവും വലിയ ഉദാഹരണം. കൂടാതെ ജനപ്രിയ സാഹിത്യകാരന്മാരുടെ കഥകളും കവിതകളും കൊണ്ട് സമ്പുഷ്ടമായ ഈ ലക്കത്തിന് മുഖ ചിത്രം ആയിരിക്കുന്നത്, യുകെ മലയാളികളുടെ ഇടയില്‍ പ്രസിദ്ധി നേടിയ 'കാന്തി' എന്ന നാടകത്തില്‍ വൈശാലിയെന്ന കഥാപാത്രത്തിന് ജീവന്‍ നല്‍കിയ അമ്പിളി കുര്യനാണ്.

യുക്മ സാംസ്കാരിക വേദിയുടെ ആഭിമുഖ്യത്തില്‍ പുറത്തിറക്കുന്ന 'ജ്വാല' ഫേസ്ബുക്ക് ഷെയറിംഗ് വഴി കൂടുതല്‍ ജനകീയമാക്കണമെന്ന് യുക്മ പ്രസിഡന്റ് ഫ്രാന്‍സിസ് മാത്യു കവളക്കാട്ടില്‍, യുക്മ സാംസ്കാരികവേദി നേതാക്കളായ ഏബ്രഹാം ജോര്‍ജ്, സി.എ. ജോസഫ്, ജയപ്രകാശ് പണിക്കര്‍, തമ്പി ജോസ് എന്നിവര്‍ പ്രവര്‍ത്തകരോടും അഭ്യുദയകാംക്ഷികളോടും അഭ്യര്‍ഥിച്ചു.
Copyright @ 2022 , Rashtra Deepika Ltd.