കലാമേളയില്‍ കറുത്ത കുതിരകളായി യോക് ഷെയര്‍ ആന്‍ഡ് ഹംബര്‍ റീജണ്‍
Saturday, November 28, 2015 9:09 AM IST
ലണ്ടന്‍: യുക്മ നാഷണല്‍ കലാമേളക്ക് കൊടിയിറങ്ങിയപ്പോള്‍ യോക് ഷെയര്‍ ആന്‍ഡ് ഹംബര്‍ റീജണ്‍ 51 പോയിന്റോടെ നാലാം സ്ഥാനം നേടി. ഈ കലാമേളയില്‍ വന്നു മത്സരങ്ങളില്‍ ഏറ്റവും ആവേശം നിറച്ച റീജണും യോക് ഷെയര്‍ ആന്‍ഡ് ഹംബര്‍ റീജണ്‍ എന്ന പേരും പരക്കെ അറിയപ്പെട്ടുകഴിഞ്ഞു. ഇത്തവണ ഏറ്റവും ആദ്യം റീജണല്‍ കലാമേള സംഘടിപ്പിക്കുമ്പോള്‍ നാഷണല്‍ കലാമേള ലക്ഷ്യം വച്ചുകൊണ്ടുള്ള പ്രവര്‍ത്തനം തുടങ്ങി വയ്ക്കുവാന്‍ യോക് ഷെയര്‍ ആന്‍ഡ് ഹംബര്‍ റീജണിനു കഴിഞ്ഞു

അടുത്ത നാളുകളില്‍ യുക്മയില്‍ ചേര്‍ന്ന യോര്‍ക്ക് മലയാളി അസോസിയേഷന്‍ തങ്ങളുടെ പ്രാതിനിധ്യം അറിയിച്ചുകൊണ്ട് വിവിധ ഇനങ്ങളില്‍ മത്സരിക്കുകയും സമ്മാനങ്ങള്‍ നേടുകയും ചെയ്തത് റീജണിനു കരുത്തേകി. ജൂണിയേഴ്സ് പ്രസംഗ മത്സരത്തില്‍ റിച്ചാര്‍ഡ് പറയരുത്തോട്ടം രണ്ടാം സ്ഥാനം നേടിയപ്പോള്‍ സീനിയേഴ്സ് ക്ളാസിക്കല്‍ ഗ്രൂപ്പ് ഡാന്‍സില്‍ മൂന്നാം സ്ഥാനം കരസ്ഥമാക്കി ഡാനി ജോണി ആന്‍ഡ് ടീമിന്റെ വ്യത്യസ്തതയാര്‍ന്ന അവതരണം കാണികള്‍ക്ക് ഒരു പുതിയ അനുഭവം ആയിരുന്നു.

അസോസിയേഷന്റെ പോയിന്റ് പട്ടികയില്‍ 43 പോയന്റോടെ നാലാം സ്ഥാനത്തെത്തിയ ഷെഫീല്‍ഡ് കേരള കള്‍ച്ചറല്‍ അസോസിയേഷന്‍ (ടഗഇഅ), ഈ റീജണിനു ഒരു മുതല്‍കൂട്ടു തന്നെയാണ് എന്ന് എടുത്തു പറയേണ്ടതാണ്.

സംഘഗാനത്തില്‍ തുടര്‍ച്ചയായി രണ്ടാം തവണയും ഒന്നാം സ്ഥാനം നിലനിര്‍ത്തിയ ടഗഇഅ മത്സരവേദിയില്‍ ശ്രോതാക്കള്‍ക്ക് ഒരു വിസ്മയമായി. പാശ്ചാത്യ സംഗീതത്തില്‍ മാത്രമല്ല കര്‍ണാടക സംഗീതവും ഇഴുകി ചേര്‍ത്ത് തയാര്‍ ചെയ്ത സംഘ ഗാനം ആരാധകരെ അത്ഭുതപ്പെടുത്തി

കരുത്തരായ മറ്റു റീജണുകളുടെ മിന്നുന്ന പ്രകടനങ്ങള്‍ കണ്ട്, തെല്ലൊരമ്പരപ്പോടെ വേദിയില്‍ ഇറങ്ങിയ ഷെഫീല്‍ഡ് തിരുവാതിര ടീം അംഗങ്ങള്‍ തങ്ങളുടെ ചെറിയ പിഴവുകള്‍ക്കു പോലും കനത്ത വില നല്കേണ്ടി വരും എന്ന ബോധ്യത്തോടെ ക്രിത്യതയാര്‍ന്ന ചുവടുകള്‍ വച്ചപ്പോള്‍ കാണികള്‍ക്ക് അത് ദൃശ്വാനുഭവമായി.

ജൂണിയേഴ്സ് ക്ളാസിക്കല്‍ ഗ്രൂപ്പില്‍ രണ്ടാം തവണയും ടഗഇഅ ക്ക് രണ്ടാം സ്ഥാനം കൊണ്ട് തൃപ്തിപ്പെടേണ്ടി വന്നത് അടുത്ത വര്‍ഷം ഒന്നാം സ്ഥാനം കരസ്ഥമാക്കാനുളള ഒരു പ്രചോദനം ആയി കണക്കാക്കാം.

ലളിതഗാന മത്സരങ്ങളില്‍, സീനിയേഴ്സ് വിഭാഗത്തില്‍ ഹരികുമാര്‍ വാസുദേവനും കിഡ്സ് വിഭാഗത്തില്‍ ജിയ ഹരികുമാറും ഒന്നാം സ്ഥാനം കരസ്ഥമാക്കികൊണ്ട്, അച്ഛനും മകളും യുക്മയുടെ ചരിത്രത്താളുകളില്‍ പുതിയ അധ്യായം രചിച്ചു. ശാസ്ത്രീയ സംഗീതം അഭ്യസിച്ചിട്ടുള്ള ഹരിയുടെ പ്രകടനം എതു കലാമേളകളെയും വെല്ലുന്ന തരത്തിലുള്ളതായിരുന്നു. സ്ത്രീകള്‍ ആധിപത്യം പുലര്‍ത്തുന്ന നാടോടി നൃത്തത്തില്‍ വെല്ലുവിളി ഉയര്‍ത്തിയ ഷെറിന്‍ ജോസ് മിന്നുന്ന പ്രകടനം കാഴ്ചവച്ചെങ്കിലും മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു.

പ്രസംഗ മത്സരത്തില്‍ കഴിഞ്ഞ വര്‍ഷം വഴുതിപ്പോയ ഒന്നാം സ്ഥാനം ഈ വര്‍ഷം കൈയടക്കാന്‍ ഷെഫീല്‍ഡ് ടഗഇഅ ക്ക് കഴിഞ്ഞു. കര്‍ശനമായ സമയ വ്യവസ്ഥകള്‍ പാലിച്ചുകൊണ്ട് നടത്തിയ പ്രസംഗ മത്സരത്തില്‍, റീജണ്‍ സെക്രട്ടറി കൂടിയായ വര്‍ഗീസ് ഡാനിയലിന്റെ തെളിമയാര്‍ന്ന അവതരണത്തോടെയുള്ള വാക്ചാതുരി ശ്രാതാക്കള്‍ക്ക് പ്രസംഗകലയുടെ പുതിയ മേച്ചില്‍പുറങ്ങള്‍ തുറന്നു കൊടുക്കുകയായിരുന്നു.

വരും വര്‍ഷങ്ങളില്‍ കൂടുതല്‍ കരുത്തോടുകൂടി യോക് ഷെയര്‍ ആന്‍ഡ് ഹംബര്‍ റീജണ്‍ യുക്മ കലാമേളകളില്‍ തങ്ങളുടെ ശക്തി തെളിയിക്കുമെന്ന് ഭാരവാഹികള്‍ അവകാശപ്പെട്ടു.

റിപ്പോര്‍ട്ട്: അനീഷ് ജോണ്‍
Copyright @ 2022 , Rashtra Deepika Ltd.