ഇഞ്ചിക്കോര്‍ മേരി ഇമ്മാക്കുലേറ്റ് ദേവാലയത്തില്‍ തിരുനാള്‍ ഒക്ടോബര്‍ 11ന്
Thursday, October 8, 2015 6:46 AM IST
ഡബ്ളിന്‍: ഇഞ്ചിക്കോര്‍ സീറോ മലബാര്‍ കാത്തലിക് കമ്യൂണിറ്റിയില്‍ പരിശുദ്ധ കന്യകാമറിയത്തിന്റെയും വിശുദ്ധ അല്‍ഫോന്‍സാമ്മയുടെയും സംയുക്ത തിരുനാള്‍ ഒക്ടോബര്‍ 11നു (ഞായര്‍) മേരി ഇമ്മാക്കുലേറ്റ് ദേവാലയത്തില്‍ ആഘോഷിക്കുന്നു.

ഉച്ചകഴിഞ്ഞു 3.30നു ആരംഭിക്കുന്ന വിശുദ്ധ കുര്‍ബാനയോടെ തിരുനാള്‍ കര്‍മങ്ങള്‍ക്ക് തുടക്കം കുറിക്കും. ഫാ. ക്രിസ്താനന്ദ് കുറ്റിക്കാട്ട്, ഫാ. വിനോദ് കുര്യന്‍ തേനാട്ടില്‍, ഫാ. ആന്റണി ചീരംവേലില്‍ എന്നിവര്‍ കാര്‍മികത്വം വഹിക്കുന്ന ദിവ്യബലിയില്‍ ഫാ. ക്രിസ്താനന്ദ് കുറ്റിക്കാട്ട് തിരുനാള്‍ സന്ദേശം നല്‍കും. തുടര്‍ന്നു വിശുദ്ധരുടെ തിരുസ്വരൂപങ്ങള്‍ വഹിച്ച് ആഘോഷമായ തിരുനാള്‍ പ്രദക്ഷിണവും നടക്കും.

വൈകുന്നേരം 5.45നു നടക്കുന്ന വാര്‍ഷികദിനാഘോഷ പരിപാടികള്‍ ഫാ. ജോസ് ഭരണിക്കുളങ്ങര ഉദ്ഘാടനം ചെയ്യും. തുടര്‍ന്നു നടക്കുന്ന വാര്‍ഷിക പൊതുയോഗത്തില്‍ കുട്ടികളുടേയും മുതിര്‍ന്നവരുടെയും വിവിധ കലാപരിപാടികള്‍, സമ്മാനദാനം, സ്നേഹവിരുന്ന് എന്നിവ നടക്കും.

തിരുനാള്‍ ആഘോഷങ്ങളില്‍ പങ്കെടുത്ത് ഏവരേയും സ്വാഗതം ചെയ്യുന്നതായി സീറോ മലബാര്‍ സഭാ ചാപ്ളെയിന്മാരായ ഫാ. ജോസ് ഭരണികുളങ്ങര, ഫാ. ആന്റണി ചീരംവേലില്‍ എന്നിവര്‍ അറിയിച്ചു.

റിപ്പോര്‍ട്ട്: ജയ്സണ്‍ കിഴക്കയില്‍
Copyright @ 2022 , Rashtra Deepika Ltd.