ഡല്‍ഹി യുവാക്കള്‍ക്കായി 'ആക്ട് -2015' സംഘടിപ്പിക്കുന്നു
Tuesday, October 6, 2015 8:26 AM IST
ന്യൂഡല്‍ഹി: സൌത്ത് എകസ്റ്റഷനിലെ മദര്‍ തെരേസ ഇടവക യുവജനങ്ങള്‍ക്കായി കലാമത്സരങ്ങള്‍ സംഘടിപ്പിക്കുന്നു.

നവംബര്‍ 10, 11, 12 ദിവസങ്ങളില്‍ തെക്കന്‍ ഡല്‍ഹിയിലെ ഹൌസ്ഖാസിലുള്ള സഹോദയ സ്കൂളിലാണ്. കലാമത്സരങ്ങള്‍ അരങ്ങേറുക.

'ആക്ട് - 2015' (അഡൊറേഷന്‍, സെലിബ്രേഷന്‍, ടുഗതര്‍നസ്) എന്ന പേരില്‍ നടത്തുന്ന കലാമേളയോടനുബന്ധിച്ച് മൂന്നു ദിവസം താമസിച്ചുള്ള വചന ധ്യാനവും യുവാക്കള്‍ക്കായി സംഘടിപ്പിക്കുന്നുണ്ട്.

20 മുതല്‍ 35 വരെ പ്രായപരിധിയിലുള്ള യുവാക്കള്‍ക്കാണു മത്സരത്തില്‍ പങ്കെടുക്കാനുള്ള അര്‍ഹത. 20 ലധികം മത്സരയിനങ്ങളാണു സംഘടിപ്പിച്ചിരിക്കുന്നത്. വിജയികള്‍ക്കു കാഷ് അവാര്‍ഡ് ഉള്‍പ്പെടെയുള്ള സമ്മാനങ്ങളാണു നിശ്ചയിച്ചിരിക്കുന്നത്.
Copyright @ 2022 , Rashtra Deepika Ltd.