കൊളോണ്‍: സ്നേഹനാഥന്റെ പൂന്തോപ്പിലെ നറുമലര്‍ സുഗന്ധവുമായി അനുപമ സ്നേഹം സഹൃദയര്‍ക്ക് കുമ്പിള്‍ ക്രിയേഷന്‍സ് ഹൃദയപൂര്‍വം സമര്‍പ്പിക്കുന്നു.
1988, 1999, 2003 നുശേഷം സ്നേഹനാഥന്റെ പൂന്തോപ്പിലെ നറുമലര്‍ സുഗന്ധവുമായി കുമ്പിള്‍ ക്രിയേഷന്‍സ് അണിയിച്ചൊരുക്കുന്ന ഏറ്റവും പുതിയ ക്രിസ്തീയ ഭക്തിഗാന ആല്‍ബം ഉടന്‍ പുറത്തിറങ്ങുന്നു.
ആത്മാവിനെ തൊട്ടുതലോടുന്ന വരികള്‍ക്ക് സ്വര്‍ഗീയ സംഗീതം നിറഞ്ഞൊഴുകുന്ന ഈണം ഹൃദയത്തെ കുളിരണിയിക്കുന്നു. 16 ഗാനങ്ങളുടെ അനന്യ സുന്ദരമായ ആലാപനം ഹൃദയതന്ത്രികളെ ഉണര്‍ത്തുന്നു.
ഫാ. ജി.ടി. ഊന്നുകല്ലില്‍, ജോസ് കുമ്പിളുവേലില്‍ എന്നിവര്‍ ഗാനരചനയും സംഗീതം ജോജി ജോണ്‍സ്, ജോണ്‍സന്‍ കെപിഎസി എന്നിവരുമാണ് നിര്‍വഹിച്ചിരിക്കുന്നത്. മധു ബാലകൃഷ്ണന്‍, സിസിലി, കെസ്റര്‍, വില്‍സന്‍ പിറവം, എലിസബത്ത് രാജു, ശ്രേയ, റോയി ജേക്കബ്, രാഹുല്‍ മാര്‍സ്, സിറിയക് സാബു എന്നിവരാണ് പാടിയിരിക്കുന്നത്.
രംഗപൂജ, ദിവ്യബലി, ആരാധന, തിരുനാളുകള്‍ തുടങ്ങിയ പരിപാടികള്‍ക്ക് അനുയോജ്യമായ രീതിയില്‍ തയാറാക്കിയ ക്രിസ്തീയ ആല്‍ബമാണ് അനുപമസ്നേഹം.