ദുബായ് ഭരണാധികാരിയുടെ മകന്‍ ഷെയ്ഖ് റാഷിദ് അന്തരിച്ചു
Saturday, September 19, 2015 3:12 AM IST
ദുബായ്: ദുബായ് ഭരണാധികാരി ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ പുത്രന്‍ ഷെയ്ഖ് റാഷിദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂം (34) അന്തരിച്ചു. ഹൃദയാഘാതത്തെ തുടര്‍ന്ന് ശനിയാഴ്ച രാവിലെയാണ് മരണം സംഭവിച്ചതെന്ന് യുഎഇ ഔദ്യോഗിക വാര്‍ത്താ ഏജന്‍സി അറിയിച്ചു. സംസ്കാരം ഇന്നു വൈകിട്ട് നടക്കും.

ഷെയ്ഖ് റാഷിദിന്റെ നിര്യാണത്തെ തുടര്‍ന്ന് രാജ്യത്തു മൂന്ന് ദിവസത്തെ ദുഖാചരണം പ്രഖ്യാപിച്ചിട്ടുണ്ട്. യുഎഇ ദേശീയ പതാക താഴ്ത്തികെട്ടി. ദുഖാചരണം ആചരിക്കുമെങ്കിലും സര്‍ക്കാര്‍ സ്ഥാപനങ്ങള്‍ തുറന്നു പ്രവര്‍ത്തിക്കുമെന്നും അധികൃതര്‍ അറിയിച്ചിട്ടുണ്ട്.

കുതിര കമ്പക്കാരനായിരുന്ന ഷെയ്ഖ് റാഷിദ് ദുബായിലെ സബീല്‍ സ്റേബിള്‍സിന്റെ ഉടമയായിരുന്നു. ഷെയ്ഖ് റാഷിദിന്റെ നിര്യാണത്തില്‍ യുഎഇ ഭരണാധികാരി ഷെയ്ഖ് ഖലീഫ ബിന്‍ സെയ്ദ് അല്‍ നഹ്യാന്‍ അനുശോചനം രേഖപ്പെടുത്തി.

റിപ്പോര്‍ട്ട്: സേവ്യര്‍ കാവാലം
Copyright @ 2022 , Rashtra Deepika Ltd.