കേളി പുഷ്പ, കാര്‍ഷിക ഫല പ്രദര്‍ശനം ഒരുക്കുന്നു
Thursday, September 3, 2015 5:58 AM IST
സൂറിച്ച്: ഓണഘോഷത്തോടനുബന്ധിച്ച് സെപ്റ്റംബര്‍ 12നു (ശനി) കേളി പുഷ്പ കാര്‍ഷിക ഫല പ്രദര്‍ശനം നടത്തുന്നു.

ഏഴ് കടലും കടന്ന് സ്വിറ്റ്സര്‍ലന്‍ഡില്‍ ഓണം മലയാള നാടിന്റെ കാര്‍ഷികോത്സവം കൂടിയാണ്. മലയാളികള്‍ ഇവിടെ കേരളത്തിലെയും യൂറോപ്പിലെയും വിത്തുകള്‍ പാകി വിളവെടുക്കുന്ന സമയം. ഈ വര്‍ഷം കാലാവസ്ഥ അനുഗ്രഹിച്ചതിനാല്‍ നൂറു മേനി വിളവും.

പഴമയില്‍ വിളവെടുപ്പിന്റെ സമൃദ്ധിയും ഐശ്വര്യവും ആയിരുന്നു ഓണത്തിന്റെ സ്വത്വം. കൃഷിയും പ്രകൃതിയും ജീവനമാര്‍ഗമായ ആ പഴയകാല സംസ്കാരത്തിന്റെ തുടര്‍ച്ചയാണ് ഇന്നും നാം ആഘോഷിക്കുന്ന വിളവെടുപ്പുത്സവം.

ഏറ്റവും മികച്ച കര്‍ഷകനും പുഷ്പാലങ്കാരത്തിനും ട്രോഫിയും കാഷ് പ്രൈസും നല്‍കി ആദരിക്കും.

പങ്കെടുക്കുവാന്‍ താല്പര്യമുള്ളവര്‍ കേളി ഭാരവാഹികളുമായി ബന്ധപ്പെടുക.

റിപ്പോര്‍ട്ട്: ജേക്കബ് മാളിയേക്കല്‍
Copyright @ 2022 , Rashtra Deepika Ltd.