മാഞ്ചസ്റര്‍ സെന്റ് മേരീസ് യാക്കോബായ സുറിയാനി പള്ളി തിരുനാള്‍ ഭക്തിസാന്ദ്രമായി
Wednesday, August 26, 2015 6:07 AM IST
മാഞ്ചസ്റര്‍: സെന്റ് മേരീസ് യാക്കോബായ സുറിയാനി പള്ളിയിലെ പരിശുദ്ധ ദൈവമാതാവിന്റെ വാങ്ങിപ്പു പെരുന്നാള്‍ ഓഗസ്റ് 22, 23 തീയതികളില്‍ ആഘോഷിച്ചു.

22നു (ശനി) മാത്യൂസ് മാര്‍ അപ്രേമിന്റെയും സഹവികാരി ഫാ. എല്‍ദോസ് വട്ടപ്പറമ്പിലിന്റെയും വൈദികരായ ഫാ. ഗീവര്‍ഗീസ് തുണ്ടായത്ത്, ഫാ. പീറ്റര്‍ കുര്യാക്കോസ് എന്നിവരുടെ സാന്നിധ്യത്തില്‍ കൊടിയേറിയ പെരുന്നാളിനെത്തുടര്‍ന്നു സന്ധ്യാപ്രാര്‍ഥനയും സുവിശേഷ യോഗവും നടന്നു.

പ്രധാന തിരുനാള്‍ ദിനമായ ഞായറാഴ്ച നടന്ന വിശുദ്ധ മൂന്നിന്മേല്‍ കുര്‍ബാനയ്ക്കു മാത്യൂസ് മാര്‍ അപ്രേം മുഖ്യകാര്‍മികത്വം വഹിച്ചു. ഫാ. ഗീവര്‍ഗീസ് തുണ്ടായത്ത്, ഫാ. പീറ്റര്‍ കുര്യാക്കോസ് എന്നിവര്‍ സഹകാര്‍മികരായിരുന്നു. തുടര്‍ന്നു ആഘോഷമായ തിരുനാള്‍ പ്രദക്ഷിണവും നേര്‍ച്ച സദ്യയും നടന്നു.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.