ലണ്ടന്‍: യുകെയിലെ പ്രമുഖ മലയാളി അസോസിയേഷനുകളിലൊന്നായ കേരള കള്‍ച്ചറല്‍ അസോസിയേഷന്‍ ഓഫ് ഇപ്സ്വിച്ചിന്റെ ഓണോത്സവം സെപ്റ്റംബര്‍ 12 നു (ശനി) കെസ്ഗ്രെവ് ഹൈസ്കൂള്‍ ഹാളില്‍ നടക്കും.
അഞ്ചിനു വാശിയേറിയ ബാഡ്മിന്റണ്‍ മത്സരങ്ങളോടെ ആരംഭിക്കുന്ന ഒന്നാഘോഷ പരിപാടികളില്‍ 10നു റമ്മി ചീട്ടു കളി മത്സരം, 12നു രാവിലെ അത്ത പൂക്കള മത്സരം, വൈകുന്നേരം കായിക മാമാങ്കം എന്നിവ അരങ്ങേറും. കെസിഎയുടെയും കെസിഎസ്എസിന്റെയും സംയുക്ത ഓണാഘോഷത്തിനു ഒരുക്കത്തിന്റെ തയാറെടുപ്പുകളും ഒക്കെയായി ഇപ്സ്വിച്ച് കുടുംബങ്ങള്‍ പൊന്നോണ തെരക്കിലാണ്. കണ്‍വീനര്‍ സെബാസ്റ്യന്‍ വര്‍ഗീസ്, കോഓര്‍ഡിനെറ്റര്‍ ജോബി ജോസ്, സജി ചെറിയാന്‍, സിജോ ഫിലിപ്പ്,അജി ബെന്നി, ജെമ്മ സജന്‍ എന്നിവരുടെ നേതൃത്വത്തില്‍ അണിയറ ഒരുക്കത്തിലാണ് ഇപ്സ്വിച്ചിലെ മുഴുവന്‍ മലയാളികളും.
ഇപ്സ്വിച്ച് കുട്ടികളും യുവജനങ്ങളും മുതിര്‍ന്നവരും ചേര്‍ന്നൊരുക്കുന്ന കലാ സദ്യ ഓണോത്സവത്തെ കൂടുതല്‍ ആസ്വാദകരമാക്കും.
കേരള തനിമയില്‍ തയാറാക്കുന്ന ഓണസദ്യ, രഞ്ജിനി രാഘവ്, സത്യ നാരായണന്‍ തുങ്ങിയവരുടെ നേതൃത്വത്തില്‍ അരങ്ങേറുന്ന ഗാനമേള, വടം വലി മത്സരം, സമ്മാനദാനം എന്നിവ ആഘോഷത്തിന്റെ ഭാഗമായി നടക്കും.
വിവരങ്ങള്‍ക്ക്: സെബാസ്റ്യന്‍ വര്‍ഗീസ് 07828897358, ജോബി ജോസ് 07595232016, സജി ചെറിയാന്‍ 07810300883, സിജോ ഫിലിപ്പ് 07877633185, ബിനീഷ് ജോര്‍ജ് 07722929817,
വേദിയുടെ വിലാസം: കെസ്ഗ്രെവ് ഹൈസ്കൂള്‍ ഹാള്‍ ഐപി5 2പിബി.
റിപ്പോര്‍ട്ട്: അപ്പച്ചന്‍ കണ്ണഞ്ചിറ