ഫ്രാങ്ക്ഫര്‍ട്ടില്‍ ഇന്ത്യയുടെ സ്വാതന്ത്യ്രദിനം ആഘോഷിച്ചു
Monday, August 17, 2015 8:07 AM IST
ഫ്രാങ്ക്ഫര്‍ട്ട്: ഭാരതത്തിന്റെ 69-ാമത് സ്വാതന്ത്യ്രദിനം ഫ്രാങ്ക്ഫര്‍ട്ട് ഇന്ത്യന്‍ കോണ്‍സുലേറ്റില്‍ ആഘോഷിച്ചു. കോണ്‍സുല്‍ ജനറല്‍ രവീഷ് കുമാര്‍ ദേശീയ പതാക ഉയര്‍ത്തി പ്രസിഡന്റിന്റെ സ്വാതന്ത്യ്രദിന സന്ദേശം വായിച്ചു. ഫ്രാങ്ക്ഫര്‍ട്ടിലെ വിവിധ ഇന്ത്യന്‍ അസോസിയേഷനുകള്‍, എയര്‍ ഇന്ത്യ, സ്റേറ്റ് ബാങ്ക് ഓഫ് ഇന്ത്യ, ഇന്ത്യന്‍ ടൂറിസ്റ് ഓഫീസ് എന്നിവയിലെ സ്റാഫ് അംഗങ്ങള്‍, പ്രമുഖ വ്യവസായികള്‍, പത്ര പ്രവര്‍ത്തകര്‍, നയതന്ത്ര പ്രതിനിധികള്‍ തുടങ്ങി ക്ഷണിക്കപ്പെട്ട നിരവധിപേര്‍ സ്വാതന്ത്യ്രദിനാഘോഷത്തില്‍ പങ്കെടുത്തു.

തുടര്‍ന്നു മധുരപലഹാരങ്ങള്‍, ലഘു ഭക്ഷണം എന്നിവ ആഘോഷങ്ങളുടെ ഭാഗമായി വിതരണം ചെയ്തു. കോണ്‍സുല്‍ ജനറലും ഭാര്യയും മറ്റു കോണ്‍സുല്‍മാരും സ്വാതന്ത്യ്ര ദിനാഘോഷത്തില്‍ പങ്കെടുത്തവരെ പ്രത്യേകമായി സ്വാഗതം ചെയ്തു. കോണ്‍സുല്‍ ജനറല്‍ രവീഷ് കുമാര്‍ സ്വാതന്ത്യ്ര ദിനാഘോഷത്തില്‍ പങ്കെടുത്തവരുമായി വ്യക്തിപരമായി സംവാദം നടത്തി. ചടങ്ങില്‍ ലഘുഭക്ഷണവും വിതരണം ചെയ്തു.

റിപ്പോര്‍ട്ട്: ജോര്‍ജ് ജോണ്‍
Copyright @ 2022 , Rashtra Deepika Ltd.