ലോകത്തെ ഏറ്റവും സുരക്ഷിതമായ രാജ്യം സ്വിറ്റ്സര്‍ലന്‍ഡ്
Saturday, August 15, 2015 6:49 AM IST
ബര്‍ലിന്‍: ലോകത്തെ ഏറ്റവും സുരക്ഷിതമായ രാജ്യമായി സ്വിറ്റ്സര്‍ലന്‍ഡിനെ തെരഞ്ഞെടുത്തു. യുഎസ് ആസ്ഥാനമായ വാല്യു പെന്‍ഗ്വിന്‍ എന്ന വെബ്സൈറ്റാണ് 107 രാജ്യങ്ങളുടെ റാങ്ക് ലിസ്റ് തയാറാക്കിയത്.

ദൈനംദിന സുരക്ഷിതത്വവുമായി ബന്ധപ്പെട്ട ഏഴു മേഖലകള്‍ പരിഗണിച്ചാണ് റാങ്കിംഗ്. ജനസംഖ്യ, മോഷണങ്ങളുടെ എണ്ണം, അക്രമങ്ങള്‍, റോഡ് അപകട മരണങ്ങള്‍, കാര്‍ബണ്‍ എമിഷന്‍, പോലീസ് ഉദ്യോഗസ്ഥരുടെ എണ്ണം, ആയുര്‍ ദൈര്‍ഘ്യം എന്നീ ഘടകങ്ങളാണ് പരിഗണിക്കപ്പെട്ടത്.

ലോക ബാങ്ക്, ഐക്യരാഷ്ട്ര സഭ, ലോകാരോഗ്യ സംഘടന എന്നിവയില്‍നിന്നു ലഭിച്ച വിവരങ്ങള്‍ പഠനത്തില്‍ ഉപയോഗിച്ചു.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.