എട്ടാമത് യുകെ കോടഞ്ചേരി സംഗമം ആഘോഷിച്ചു
Monday, July 6, 2015 7:36 AM IST
ലണ്ടന്‍: എട്ടാമത് കോടഞ്ചേരി യുകെ സംഗമം ബ്രിസ്റോളില്‍ ആഘോഷിച്ചു. ജൂലൈ മൂന്ന്, നാല്, അഞ്ച് തീയതികളില്‍ നടന്ന മൂന്നു ദിവസത്തെ സംഗമത്തില്‍ കോടഞ്ചേരിയില്‍നിന്നു യുകെയിലേക്കു കുടിയേറിയ എല്ലാവരും കുടുംബ സമേതം പങ്കെടുത്തു.

ഫാ. ലുക്ക് മാരപ്പിള്ളില്‍ പരിപാടികള്‍ ഉദ്ഘാടനം ചെയ്തു. പരിപാടിയുടെ രണ്ടാം ദിവസം നടന്ന കലാ, കായിക മത്സരങ്ങള്‍ മുന്‍വര്‍ഷങ്ങളിലെ പോലെ ആകര്‍ഷകമായി. കോടഞ്ചേരിയുടെ തനതു ശൈലിയില്‍ ഭക്ഷണ സജ്ജീകരണങ്ങളും പുതു തലമുറയിലെ കുട്ടികളുടെ കലാ പരിപാടികളും പ്രത്യേകം ശ്രദ്ധിക്കപ്പെട്ടു.

ശനിയാഴ്ച വൈകിട്ടത്തെ ക്യാമ്പ് ഫയര്‍ ആന്‍ഡ് ബര്‍ബിക്യു പരിപാടിയുടെ മുഖ്യാകര്‍ഷണമായിരുന്നു. ഞായറാഴ്ച ഫാ. ലൂക്ക് മാരപ്പിള്ളിയുടെ കാര്‍മികത്വത്തില്‍ നടന്ന വിശുദ്ധ കുര്‍ബാനയ്ക്കുശേഷം വാര്‍ഷിക ജനറല്‍ പൊതുയോഗവും പുതിയ ഭാരവാഹികളുടെ തെരഞ്ഞെടുപ്പും നടന്നു.

പ്രസിഡന്റ് എല്യാസ് നിരവത്ത് മത്തായി അധ്യക്ഷത വഹിച്ച പൊതുയോഗത്തില്‍ സെക്രട്ടറി ബെന്നി വര്‍ഗീസ് റിപ്പോര്‍ട്ട് അവതരിപ്പിച്ചു.

പുതിയ ഭാരവാഹികളായി ജോയ് എബ്രഹാം ഞള്ളിമാക്കല്‍ (പ്രസിഡന്റ്), സോഫി ആന്റോ വിളക്കുന്നേല്‍ (വൈസ് പ്രസിഡന്റ്), സജി വര്‍ക്കി വാമറ്റം (സെക്രട്ടറി), ജിന്‍സി അനില്‍ (ജോ. സെക്രട്ടറി), സുനില്‍ കുന്നത്ത് (ട്രഷറര്‍) എന്നിവരെ തെരഞ്ഞെടുത്തു.

വിവരങ്ങള്‍ക്ക്: ംംം.സീറമിരവല്യൃൃ.രീാ
Copyright @ 2022 , Rashtra Deepika Ltd.