ഷ്രൂസ്ബറി രൂപത സീറോ മലബാര് ചാപ്ളെയിന് റവ. ഡോ. ലോനപ്പന് അരങ്ങാശേരി ഷഷ്ഠിപൂര്ത്തിയാഘോഷിച്ചു.
ജുലൈ ഒന്നിനു ബര്ക്കിന് ഹെഡ് അപ്ടന് സെന്റ് ജോസഫ് ദേവാലയത്തില് ഫാ. ലോനപ്പന് അരങ്ങാശേരിയുടെ നേതൃത്വത്തില് നടന്ന കൃതജ്ഞതാബലിയോടെ ചടങ്ങുകള് ആരംഭിച്ചു. ഫാ. ഫിലിപ്പ് കുഴിപറമ്പില്, ഫാ. ബിജു ആലഞ്ചേരി, ഫാ. റോജര് ക്ളാര്ക്ക്, ഫാ. നിക്കോളാസ് കേന് എന്നിവര് സഹകാര്മികരായിരുന്നു.
തുടര്ന്നു നടന്ന അനുമോദന യോഗം ബര്ക്കിന് ഹെഡ് ഗായക സംഘത്തിലെ അംഗങ്ങള് ആലപിച്ച പ്രാര്ഥനാഗാനത്തോടെ ആരംഭിച്ചു. ജേക്കബ് ഫാ. ലോനപ്പന് അരങ്ങാശേരിയെ പൊന്നാട അണിയിച്ച് ആദരിച്ചു. തുടര്ന്നു ഫാ. ഫിലിപ്പ് കുഴിപറമ്പില്, ഫാ. ബിജു ആലഞ്ചേരി, ഫാ. റോജര്, ഫാ. നിക്കോളാസ് എന്നിവരും വിവിധ മാസ് സെന്ററുകളെ പ്രതിനിധീകരിച്ച് ബിജു ആന്റണി, ടോം, ജെയിംസ് എന്നിവരും ആശംസകള് അര്പ്പിച്ചു പ്രസംഗിച്ചു. തന്നോടുകാണിച്ച സ്നഹാദരവുകള്ക്ക് മറുപടി പ്രസംഗത്തില് ഫാ. ലോനപ്പന് അരങ്ങാശേരി നന്ദി പറഞ്ഞു.
തുടര്ന്നു കുട്ടികളുടെ വിവിധ കലാപരിപാടികളും അരങ്ങേറി. ജോഷി, ആന്റോ, ബിനു, ഷിബു, പൌലോസ്, റോയി, ഷിന്ഷോ എന്നിവര് ചേര്ന്ന് കാര് വാങ്ങുന്നതിനുവേണ്ടി സ്വരൂപിച്ച പണം കൈമാറി.
പരിപാടികള്ക്കു ജോഷി, ബിനു, ആന്റോ, സാം, ഷിബു എന്നിവര് നേതൃത്വം നല്കി.
റിപ്പോര്ട്ട്: അലക്സ് വര്ഗീസ്