ബര്‍മിംഗ്ഹാമില്‍ യുക്മ നാഷണല്‍ കമ്മിറ്റി ജൂണ്‍ 28ന്
Saturday, June 27, 2015 8:20 AM IST
ബര്‍മിംഗ്ഹാം: യുക്മയുടെ ദേശീയ നിര്‍വാഹകസമിതിയുടെ യോഗം ജൂണ്‍ 28നു (ഞായര്‍) ബര്‍മിംഗ്ഹാമിനടുത്ത് എര്‍ഡിംഗ്ടണില്‍ നടക്കും. രാവിലെ 10ന് ആരംഭിക്കുന്ന യോഗം വൈകുന്നേരം വരെ നീളും. കഴിഞ്ഞ ആറുമാസത്തെ പ്രവര്‍ത്തനങ്ങള്‍ വിലയിരുത്തുകയും നടപ്പു വര്‍ഷത്തെ കാര്യ പരിപാടികള്‍ക്ക് അന്തിമ രൂപം നല്‍കുകയുമാണ് യോഗത്തിന്റെ പ്രധാന ലക്ഷ്യം.

നടപ്പു വര്‍ഷം ഇതിനോടകം തന്നെ യുക്മ നേപ്പാള്‍ ചാരിറ്റി, ദേശിയ ബാഡ്മിന്റണ്‍ ടൂര്‍ണമെന്റ്, യുക്മ വിക്ടര്‍ ജോര്‍ജ് ഫോട്ടോഗ്രഫി മത്സരം, വിവിധ റീജണുകളില്‍ കായികമേളയും ബാഡ്മിന്റണ്‍ മത്സരങ്ങള്‍, ജ്വാല മാഗസിന്‍ പുനര്‍പ്രകാശനം തുടങ്ങിയവ നടന്നു കഴിഞ്ഞു.

യോഗത്തിനുവേണ്ട എല്ലാ ഒരുക്കങ്ങളും പൂര്‍ത്തിയായതായി യുക്മ റീജണല്‍ ഉപാധ്യക്ഷനും ഋങഅ പ്രസിഡന്റുമായ എബി ജോസഫ് അറിയിച്ചു. എല്ലാ പ്രധിനിധികളെയും യോഗത്തിലേക്ക് സ്വാഗതം ചെയ്യുന്നതായി യുക്മ ഈസ്റ് ആന്‍ഡ് വെസ്റ് മിഡ്ലാന്‍ഡ്സ് റീജണല്‍ കമ്മിറ്റിക്കുവേണ്ടി പ്രസിഡന്റ് ജയകുമാര്‍ നായര്‍ അറിയിച്ചു.

റിപ്പോര്‍ട്ട്: ജയിംസ് ജോസഫ്
Copyright @ 2022 , Rashtra Deepika Ltd.