മാഞ്ചസ്റര്‍ കാത്തലിക് അസോസിയേഷന്റെ ഫാദേഴ്സ് ഡേ ആഘോഷങ്ങള്‍ വര്‍ണാഭമായി
Monday, June 22, 2015 5:55 AM IST
മാഞ്ചസ്റര്‍: പിതാക്കന്മാര്‍ക്ക് വിരുന്നൊരുക്കി അവരെ ആദരിക്കാന്‍ മക്കളും ഭാര്യമാരും ഒത്തുചേര്‍ന്നതോടെ മാഞ്ചസ്റര്‍ കാത്തലിക് അസോസിയേഷന്റെ ഫാദേഴ്സ് ഡേ ആഘോഷങ്ങള്‍ വര്‍ണാഭമായി.

ബംഗുളു സെന്റ് മാര്‍ട്ടിന്‍സ് പാരിഷ് ഹാളില്‍ നടന്ന ആഘോഷ പരിപാടി ഷ്രൂഷ്ബറി രൂപത സീറോ മലബാര്‍ ചാപ്ളെയിന്‍ ഫാ. ലോനപ്പന്‍ അരങ്ങാശേരിയും നാട്ടില്‍നിന്നെത്തിയ പിതാക്കന്‍മാരേയും വേദിയിലേക്ക് ആനയിച്ചതോടെ തുടക്കമായി. പിതാക്കന്മാര്‍ ചേര്‍ന്ന് ഫാ. ലോനപ്പന്‍ അരങ്ങാശേരിയെ തലപ്പാവ് അണിയിച്ചു ആദരിച്ചു. ഇതേത്തുടര്‍ന്ന് മുതിര്‍ന്ന മക്കള്‍ അവരുടെ പിതാക്കന്മാരെയും തലപ്പാവുകള്‍ അണിയിച്ചു. തുടര്‍ന്നു കേക്കു മുറിച്ചു സന്തോഷം പങ്കുവച്ചു. പരിപാടിയുടെ ഭാഗമായി വിവിധ കളികളും സ്നേഹവിരുന്നും നടന്നു.

റിന്‍സി സജിത്ത് അവതാരകയായിരുന്നു. ഷിജി ജയ്സണ്‍, സ്മിത സാബു, അസിസ ടോമി തുടങ്ങിയവരും അസോസിയേഷന്‍ യൂത്ത് വിംഗും പരിപാടികള്‍ക്കു നേതൃത്വം നല്‍കി. അസോസിയേഷന്‍ പ്രസിഡന്റ് ബിന്ദു ആന്റണി, സെക്രട്ടറി നോയല്‍ ജോര്‍ജ് തുടങ്ങിയവര്‍ പരിപാടികള്‍ ക്രമീകരിച്ച ഏവര്‍ക്കും നന്ദി പറഞ്ഞു.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.