ലണ്ടനില്‍ കാര്‍ അപകടം: മലയാളി വിദ്യാര്‍ഥി മരിച്ചു
Friday, May 22, 2015 5:07 AM IST
ലണ്ടന്‍: കന്റര്‍ബറിയില്‍ കാര്‍ അപകടത്തില്‍ മലയാളി വിദ്യാര്‍ഥി മരിച്ചു. കാന്റര്‍ബറി കോളജിലെ സയന്‍സ് വിദ്യാര്‍ഥിയായ സ്റെഫിന്‍ ഏബ്രഹാം (19) ആണു പുലര്‍ച്ചെയുണ്ടായ കാറപകടത്തില്‍ മരിച്ചത്. കോട്ടയം എരുമേലി സ്വദേശിയായ തോമസിന്റെ മകനാണു സ്റെഫിന്‍.

പുലര്‍ച്ചെ രണ്ടോടെ സ്റെഫിന്‍ സഞ്ചരിച്ചിരുന്ന കാര്‍ മറ്റൊരു കാറില്‍ ഇടിച്ചാണ് അപകടമുണ്ടായത്. സ്റെഫിന്റെ സുഹൃത്തുക്കളും കാറില്‍ ഉണ്ടായിരുന്നു. ഇവരെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്. സ്റെഫിന്‍ അപകടസ്ഥലത്തുതന്നെ മരിച്ചു.

ഇരുപത്തിനാലുകാരനായ സ്വദേശി യുവാവ് ഓടിച്ച കാര്‍ അമിതവേഗത്തിലെത്തി സ്റെഫിന്‍ സഞ്ചരിച്ച കാറില്‍ ഇടിക്കുകയായിരുന്നു. ഇയാളെ പോലീസ് അറസ്റ് ചെയ്തു.

ബുല്ലോക്സ്ടോണ്‍ ജംഗ്ഷനില്‍ എ 291 റോഡിലാണ് അപകടം നടന്നത്. സമീപവാസിയായ മലയാളിയാണ് അപകടം നടന്ന സ്ഥലത്തെത്തി സ്റെഫിനെ തിരിച്ചറിഞ്ഞത്. സ്റെഫിന്‍ സഞ്ചരിച്ചിരുന്ന കാര്‍ ഡ്രൈവ് ചെയ്തിരുന്നത് ആരാണെന്ന് അറിവായിട്ടില്ല. അപകടത്തില്‍ പരിക്കേറ്റ രണ്ടുപേരെ ആഷ്ഫോര്‍ഡ്, മാര്‍ഗെറ്റ് എന്നീ ആശുപത്രികളില്‍ പ്രവേശിപ്പിച്ചിരിക്കുകയാണ്.

റിപ്പോര്‍ട്ട്: ഷൈമോന്‍ തോട്ടുങ്കല്‍
Copyright @ 2022 , Rashtra Deepika Ltd.