കൊളോണ്: കൊളോണ് കേരള സമാജത്തിന്റെ ഭാരവാഹികളും കുടുംബവും ഒന്നുചേര്ന്ന് മദേഴ്സ് ഡേ ആഘോഷിച്ചു. മേയ് പത്തിനു വൈകുന്നേരം ബ്യ്രൂള് നാന് കിംഗ് റസ്ററന്റില് കൂടിയ യോഗത്തില് സമാജം പ്രസിഡന്റ് അധ്യക്ഷത വഹിച്ചു സ്വാഗതം ആശംസിച്ചു.
മദേഴ്സ് ഡേയുടെ പ്രത്യേകതകളെക്കുറിച്ചു നടന്ന ചര്ച്ച, അമ്മമാരുടെ ദിനത്തെക്കുറിച്ചുള്ള കവിത തുടങ്ങിയ പരിപാടികള് ആഘോഷത്തെ കൊഴുപ്പുള്ളതാക്കി. ഇന്ത്യയില് വര്ധിച്ചുവരുന്ന സ്ത്രീ പീഢനങ്ങളെക്കുറിച്ച് യോഗം ഉത്ക്കണ്ഠ രേഖപ്പെടുത്തി. സമാജം ട്രഷറാര് ഷീബ കല്ലറയ്ക്കല്, സമാജം ഭാരവാഹികളുടെ സഹധര്മിണിമാരായ മേരി പുതുശേരി, എല്സി വടക്കുംചേരി, വല്സമ്മ കലേത്തുംമുറിയില്, അമ്മണി കോയിക്കര, സാലി ചിറയത്ത്, ഷീന കുമ്പിളുവേലില്, ഈത്തമ്മ കളപ്പുരയ്ക്കല് എന്നിവര്ക്ക് പ്രസിഡന്റ് ചുവന്ന റോസപ്പൂവ് നല്കി ആദരിച്ചു. ജനറല് സെക്രട്ടറി നന്ദി പറഞ്ഞു. അത്താഴവിരുന്നോടുകൂടി പരിപാടികള് സമാപിച്ചു.
കഴിഞ്ഞ മുപ്പത്തിരണ്ടു വര്ഷത്തെ പ്രവര്ത്തന പാരമ്പര്യമുള്ള സമാജത്തിന്റെ നിലവിലെ ഭരണസമിതിയംഗങ്ങള് ജോസ് പുതുശേരി (പ്രസിഡന്റ്), ഡേവീസ് വടക്കുംചേരി (ജനറല് സെക്രട്ടറി), ഷീബ കല്ലറയ്ക്കല് (ട്രഷറര്), ജോസ് കുമ്പിളുവേലില് (കള്ച്ചറല് സെക്രട്ടറി), പോള് ചിറയത്ത് (വൈസ് പ്രസിഡന്റ്), ബേബിച്ചന് കലേത്തുംമുറിയില് (സ്പോര്ട്സ് സെക്രട്ടറി), സെബാസ്റ്യന് കോയിക്കര (ജോ.സെക്രട്ടറി) എന്നിവരും, ജോസഫ് കളപ്പുരയ്ക്കല്, ജോസ് നെടുങ്ങാട് എന്നിവര് ഓഡിറ്റേഴ്സുമാണ്.