ഷാര്‍ലറ്റിന്റെ ജനനം അവിസ്മരണീയമാക്കാന്‍ നാണയം
Thursday, May 7, 2015 8:10 AM IST
ലണ്ടന്‍: ബ്രിട്ടനിലെ പുതിയ രാജകുമാരി ഷാര്‍ലറ്റിന്റെ ജനനം അവിസ്മരണീയമാക്കാന്‍ നാണയം പുറത്തിറക്കുന്നു. അഞ്ച് പൌണ്ട് നാണയമാണു പുറത്തിറക്കുന്നത്. ഇതിന്റെ ഡിസൈനും തയാറായിക്കഴിഞ്ഞു.

ഇതു കൂടാതെ 500ന്റെ സ്വര്‍ണനാണയവും 9,500 ന്റെ വെള്ളി നാണയവും രാജകുമാരിയുടെ ജനനം ആഘോഷിക്കാന്‍ പുറത്തിറക്കും. നാണയത്തിനു കൊട്ടാരത്തിന്റെയും ചാന്‍സലറുടെയും അനുമതി ലഭിച്ചു.

ലിമിറ്റഡ് എഡിഷനിലുള്ള നാണയങ്ങള്‍ രൂപകല്‍പ്പന ചെയ്തിരിക്കുന്നത് ജോണ്‍ ബെര്‍ഗ്ദാഹില്‍ ആണ്. നേരത്തെ വില്യമിന്റെയും കേറ്റിന്റെയും ആദ്യ കുഞ്ഞായ ജോര്‍ജിന്റെ പിറവിയുടെ ഓര്‍മയ്ക്കായി ഇറക്കിയ നാണയവും രൂപകല്‍പ്പന ചെയ്തത് ഇദ്ദേഹമായിരുന്നു.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.