പമ്പയുടെ കുടുംബ സംഗമവും മാതൃദിനാഘോഷവും മേയ് രണ്ടിന്
Saturday, April 25, 2015 8:04 AM IST
ഫിലാഡല്‍ഫിയ: പമ്പ മലയാളി അസോസിയേഷന്റെ പ്രവര്‍ത്തനോദ്ഘാടനവും മാതൃദിനാഘോഷവും കുടുംബസംഗമവും സംയുക്തമായി മേയ് രണ്ടിന് (ശനി) വൈകുന്നേരം ആറിന് നോര്‍ത്ത് ഈസ്റ് ഫിലാഡല്‍ഫിയായിലെ അസന്‍ഷന്‍ ചര്‍ച്ച് ഹാളില്‍ (10171 നോര്‍ത്ത് ഈസ്റ് അവന്യു ഫിലാഡല്‍ഫിയ, പിഎ 19116) നടത്തുന്നു.

പൊക്കാന പ്രസിഡന്റ് ജോണ്‍ പി. ജോണ്‍ മുഖ്യാതിഥിയായിരിക്കും. യുഎസ് കോണ്‍ഗ്രസ്മാന്‍ ബ്രണ്ടന്‍ ബോയല്‍, ഫിലാഡല്‍ഫിയ മുന്‍ ഡിസ്ട്രിക്ട് അറ്റോര്‍ണി ലിന്‍ ഏബ്രഹാം, റോക് ലാന്റ് കൌണ്ടി ലെജിസ്ലേറ്റര്‍ ആനി പോള്‍, റവ. ഡോ. മാത്യു മണക്കാട്ട് എന്നിവരോടൊപ്പം വിവിധ സംഘടനകളുടെ സാരഥികളും സാമൂഹിക, സാംസ്കാരിക നേതാക്കളും പങ്കെടുക്കുന്ന പൊതുസമ്മേളനവും തുടര്‍ന്ന് മാതൃദിനാഘോഷവും നടക്കുമെന്ന് പ്രസിഡന്റ് ജോര്‍ജ് ഓലിക്കല്‍ പറഞ്ഞു.

മാതൃദിനാഘോഷത്തോടനുബന്ധിച്ച് വിവിധ കലാപരിപാടികളും അമ്മമാരെ ആദരിക്കുന്ന ചടങ്ങും തുടര്‍ന്ന് ബാങ്ക്വറ്റും ഉണ്ടായിരിക്കും. വി.വി. ചെറിയാന്‍ കോഓര്‍ഡിനേറ്ററും തമ്പി ചാക്കോ കണ്‍വീനറും പ്രസാദ് ബേബി ആര്‍ട്സ് കോഓര്‍ഡിനേറ്ററുമായി ഇതിന്റെ വിജയത്തിനായി പ്രവര്‍ത്തിക്കുന്നു.

പമ്പയുടെ കുടുംബസംഗമത്തിലേക്കും മാതൃദിനാഘോഷ പരിപാടികളിലേക്കും അംഗങ്ങളെയും അഭ്യുദയകാംക്ഷികളേയും സ്വാഗതം ചെയ്തു.

വിവരങ്ങള്‍ക്ക്: ജോര്‍ജ് ഓലിക്കല്‍ 215 873 4365, വി.വി. ചെറിയാന്‍ 215 806 3802, അലക്സ് തോമസ് 215 850 5268, തമ്പി ചാക്കോ 610 331 7923, ഫിലിപ്പോസ് ചെറിയാന്‍ 215 605 7310, പ്രസാദ് ബേബി 215 629 6375.
Copyright @ 2022 , Rashtra Deepika Ltd.