മൈന്‍ഡ് കിഡ്സ് ഫെസ്റ്: രജിസ്ട്രേഷന്‍ സമാപിച്ചു
Thursday, April 16, 2015 6:37 AM IST
ഡബ്ളിന്‍: അയര്‍ലന്‍ഡില്‍ വളര്‍ന്നുവരുന്ന പുത്തന്‍ തലമുറയെ കേരളീയ തനിമയിലും സാംസ്കാരത്തിലും വളര്‍ത്താനും അവരിലെ സര്‍ഗാത്മ കഴിവുകളെ പ്രോത്സാഹിപ്പിക്കുവാനും മൈന്‍ഡ് എല്ലാ വര്‍ഷവും നടത്തിവരുന്ന കിഡ്സ് ഫെസ്റിന്റെ രജിസ്ട്രേഷന്‍ ഏപ്രില്‍ 15നു സമാപിച്ചു.

ഏപ്രില്‍ 25, 26 തീയതികളില്‍ ഗ്രിഫിത്ത് അവന്യു മരിനോയിലുള്ള ടരീശഹ ങവൌൃശല നാഷണല്‍ ബോയ്സ് സ്കൂളില്‍ നടക്കുന്ന കിഡ്സ് ഫെസ്റില്‍ വിവിധ സ്റേജുകളിലായി 250ല്‍പരം മത്സരങ്ങള്‍ നടക്കും.

ജൂണിയര്‍, സീനിയര്‍ വിഭാഗങ്ങളില്‍ ഏറ്റവും കൂടുതല്‍ പോയിന്റുകള്‍ നേടുന്ന കുട്ടികള്‍ക്കു മൈന്‍ഡ് ഐക്കണ്‍ 2015 അവാര്‍ഡ് നല്‍കി ആദരിക്കും.

ഇന്ത്യന്‍ സംസ്കാരത്തെയും ദേശീയതയെയും മുന്‍നിര്‍ത്തിയുള്ള വിഷയങ്ങള്‍ക്കാണ് മൈന്‍ഡ് മുന്‍തൂക്കം നല്‍കുന്നത്. അയര്‍ലന്‍ഡിലെ വിവിധ കൌണ്ടികളില്‍നിന്നായി ഏകദേശം മുന്നൂറില്‍പ്പരം കുട്ടികള്‍ മത്സരങ്ങളില്‍ പങ്കെടുക്കും.

അയര്‍ലന്‍ഡിനു പുറത്തുനിന്നുള്ള പ്രഗല്ഭ വിധികര്‍ത്താക്കളും മത്സരങ്ങളുടെ വിധി നിര്‍ണയത്തിനായി എത്തിച്ചേരും. ഓഗസ്റ് 22നു നടക്കുന്ന മൈന്‍ഡിന്റെ ഓണാഘോഷങ്ങളില്‍ വിജയികള്‍ക്കുള്ള സര്‍ട്ടിഫിക്കറ്റുകളും ട്രോഫിയും വിതരണം ചെയ്യും.
Copyright @ 2022 , Rashtra Deepika Ltd.