ഫ്രാങ്ക്ഫര്‍ട്ടില്‍ ഫാ. ടോം മുളഞ്ഞനാനി നയിക്കുന്ന കുടുംബനവീകരണ ധ്യാനം
Friday, March 27, 2015 7:23 AM IST
ഫ്രാങ്ക്ഫര്‍ട്ട് : ഫ്രാങ്ക്ഫര്‍ട്ട് സീറോ മലബാര്‍ ഇടവക സമൂഹത്തിന്റെ ആഭിമുഖ്യത്തില്‍ വിശുദ്ധവാരത്തോടനുബന്ധിച്ച് കുടുംബനവീകരണ ധ്യാനം നടത്തുന്നു. വിന്‍സെന്‍ഷ്യന്‍ സഭാംഗമായ ഫാ. ടോം മുളഞ്ഞനാനി ആണ് ഈ വര്‍ഷം ധ്യാനചിന്തകള്‍ പങ്കുവയ്ക്കുന്നത്.

മാര്‍ച്ച് 28, 29, 30 തീയതികളില്‍ (വെള്ളി, ശനി, ഞായര്‍) ഫ്രാങ്ക്ഫര്‍ട്ട് സെന്റ് അന്റോണിയൂസ് പള്ളി ഹാളില്‍ നടത്തുന്ന ധ്യാനം വെള്ളിയാഴ്ച

ഉച്ചകഴിഞ്ഞ് രണ്ടു മുതല്‍ വൈകുന്നേരം ആറു വരെയും, ശനി രാവിലെ ഒന്‍പതു മുതല്‍ വൈകുന്നേരം ആറു വരെയും ഞായറാഴ്ച രാവിലെ ഒമ്പതു മുതല്‍ ഉച്ചകഴിഞ്ഞ് മൂന്നുവരെയും ആയിരിക്കും.

ഞായര്‍ വൈകുന്നേരം നാലിന് ഓശാനയുടെ കര്‍മ്മങ്ങളും കുരുത്തോല വിതരണവും വിശുദ്ധ കുര്‍ബാനയും ഉണ്ടായിരിക്കും. ശനി, ഞായര്‍

ദിവസങ്ങളില്‍ കുമ്പസാരിക്കുന്നതിനുള്ള സൌകര്യം ഉണ്ടായിരിക്കുമെന്നു വികാരി ഫാ. ദേവദാസ് പോള്‍ അറിയിച്ചു.

ജീവിതത്തില്‍ പ്രകാശവും കുടുംബത്തില്‍ നവീകരണവും നേടാനുതകുന്ന ധ്യാനത്തിലേക്ക് ഏവരെയും സ്വാഗതം ചെയ്യുന്നതായി ഫാ.ദേവവദാസ് പോള്‍ അറിയിച്ചു.

കൂടുതല്‍ വിവരങ്ങള്‍ക്ക്: ഫാ.ദേവദാസ് പോള്‍ സിഎംഎഫ് 00496961000917, 004915774381889, 00491738395462
Copyright @ 2022 , Rashtra Deepika Ltd.