മാഞ്ചസ്ററില്‍ നജീം അര്‍ഷാദിന്റെ സംഗീത സായാഹ്നം 'ദശസന്ധ്യ' നവംബര്‍ ഏഴിന്
Monday, March 23, 2015 5:09 AM IST
മാഞ്ചസ്റര്‍: ട്രാഫോര്‍ഡ് മലയാളി അസോസിയേഷന്റെ പത്താമത് വാര്‍ഷികാഘോഷങ്ങളുടെ സമാപനത്തോടനുബന്ധിച്ച് നജിം അര്‍ഷാദും സംഘവും നയിക്കുന്ന ലൈവ് ഓര്‍ക്കസ്ട്രയുടെ അകമ്പടിയോടെയുള്ള സംഗീത സായാഹ്നം ദശസന്ധ്യ നവംബര്‍ ഏഴിനു(ശനി) മാഞ്ചസ്ററില്‍ നടക്കും.

മാഞ്ചസ്ററിലെ വിഥിന്‍ഷോയിലുള്ള ഫോറം സെന്ററിലാണു ഗാനമേള അരങ്ങേറുക. ഏഷ്യാനെറ്റ് ഐഡിയ സ്റാര്‍ സിംഗറിലെ റണ്ണര്‍അപ്പായ അരുണ്‍ ഗോപന്‍, കൈരളി ടിവിയിലെ റെയിന്‍ ഡ്രോപ്സ് എന്ന സംഗീതപരിപാടി അവതരിപ്പിച്ച് ശ്രദ്ധേയമായ വൃന്ദ ഷമീക്ക് എന്നിവര്‍ ഗാനങ്ങളാലപിക്കും.

ഏകദേശം 25ഓളം കലാകാരന്മാരുടെ ലൈവ് ഓര്‍ക്കസ്ട്ര സായാഹ്നസന്ധ്യക്ക് താളം പകരും.

പരിപാടിയുടെ വിജയത്തിനായി കമ്മിറ്റി രൂപവത്കരിച്ചു പ്രവര്‍ത്തിച്ചുവരുന്നതായി അസോസിയേഷന്‍ പ്രസിഡന്റ് ഡോ. സിബി വേകത്താനം അറിയിച്ചു. ഗ്ളോബല്‍ പ്രവാസി മലയാളി അസോസിയേഷന്‍ സെന്റ് മേരീസ് ഇന്റര്‍നാഷണല്‍ എഡ്യൂക്കേഷന്‍ റിക്രൂട്ട്മെന്റ് ആണു പരിപാടിയുടെ ഔദ്യോഗിക സ്പോണ്‍സര്‍. ടിക്കറ്റ് വില്‍പ്പന മേയില്‍ ആരംഭിക്കുമെന്നു ഭാരവാഹികളായ ഡോ. സിബി വേകത്താനം, അഡ്വ. റെന്‍സണ്‍ തുടയപ്ളാക്കല്‍ എന്നിവര്‍ അറിയിച്ചു.

വിവരങ്ങള്‍ക്ക്: ഡോ. സിബി വേകത്താനം 07903748605, ജിന്റോ ജോസഫ് 07868173401.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.