ഷിക്കാഗോ മാര്‍ത്തോമ യുവജനസഖ്യം പ്രവര്‍ത്തന പരിപാടികളുടെ ഉദ്ഘാടനം മാര്‍ച്ച് 28 ന്
Friday, March 20, 2015 6:19 AM IST
ഷിക്കാഗോ: ഷിക്കാഗോ മാര്‍ത്തോമ യുവജന സഖ്യത്തിന്റെ 2015 ലെ പ്രവര്‍ത്തന പരിപാടികളുടെ ഔപചാരിക ഉദ്ഘാടനം മാര്‍ച്ച് 28നു(ശനി) വൈകുന്നേരം 6.30നു ഷിക്കാഗോ മാര്‍ത്തോമ ദേവാലയത്തില്‍ നടക്കും.

മാര്‍ത്തോമ യുവജന സഖ്യം പ്രസിഡന്റ് ജോസഫ് മാര്‍ ബര്‍ണബാസ് എപ്പിസ്കോപ്പ മുഖ്യാതിഥിയായി പങ്കെടുത്ത് ഉദ്ഘാടനം നിര്‍വഹിക്കും. ഷിക്കാഗോ മാര്‍ത്തോമ യുവജന സഖ്യം പ്രസിഡന്റും ഇടവക വികാരിയുമായിരിക്കുന്ന റവ. ഡാനിയേല്‍ തോമസ് അധ്യക്ഷത വഹിക്കുന്ന യോഗത്തില്‍ നോര്‍ത്ത് അമേരിക്കന്‍ ഭദ്രാസന യുവജന സഖ്യം വൈസ് പ്രസിഡന്റ് റവ. ഷാജി തോമസ്, ഷിക്കാഗോ മാര്‍ത്തോമ ഇടവക അസോസിയേറ്റ് വികാരി റവ. സോനു വര്‍ഗീസ് തുടങ്ങിയവര്‍ പങ്കെടുക്കും.

ഉദ്ഘാടന സമ്മേളനത്തിന്റെ ക്രമീകരണങ്ങള്‍ക്കായി ഐപ്പ് സി. വര്‍ഗീസ് പരിമണത്തിന്റെ നേതൃത്വത്തിലുളള സബ് കമ്മിറ്റി പ്രവര്‍ത്തിക്കുന്നു. പുത്തന്‍ പ്രതീക്ഷകളും ധീരമായ ചുവടുവയ്പുകളുമായി കാല്‍ നൂറ്റാണ്ടായി പ്രവര്‍ത്തന പന്ഥാവില്‍ മുന്നേറുന്ന ഷിക്കാഗോ മാര്‍ത്തോമ യുവജന സഖ്യത്തിന്റെ ഈ വര്‍ഷത്തെ പ്രവര്‍ത്തന ഉദ്ഘാടന സമ്മേളനത്തിലേക്ക് ഏവരെയും സ്വാഗതം ചെയ്യുന്നതായി സെക്രട്ടറി പ്രമി തോമസ് അറിയിച്ചു.

റിപ്പോര്‍ട്ട്: ബെന്നി പരിമണം
Copyright @ 2022 , Rashtra Deepika Ltd.